Bazar, 17 Noyabr 2019 02:43

Təqiyyə nədir?

Yazan Javid Jabbarli

Dində təqiyyə deyilən bir anlayış var. Bir insanın canı və malı təhlükəyə düşərsə, o, əqidəsini və düşüncəsini gizlədə bilər.
Dində ən yüksək məqamlardan biri də şəhadətdir. Fədakarlıq, cəsarət, mərdlik və bu kimi digər davranış nümunələri də kifayət qədərdir.
İlk baxışda təqiyyə bu məqamlarla ziddiyyət təşkil edir. Bəli, ziddiyyət var. Ona görə də bilməliyik hansı addımı harda atılmalıyıq. Məsələn, təqiyyə edəcəyimiz yerdə fədakarlıq etsək, ölsək, bəzi din bilicilərinin dediyinə görə, intihar etmiş oluruq. Şəhid olmalı yerdə təqiyyə etsək, yenə yanlış edirik.
Təqiyyəni harda etməliyik - sualı məncə çox aktualdır. Əvvəla deyim ki, təqiyyə, fədakarlıq və sair davranışlar dinin ümumi göstərişi deyil. Zaman, məkan və təsir imkanları əsasdır. Bir yerdə ki, həqiqəti deməklə canın və malın mənasız yerə xətərə düşür, o zaman təyiqqə etməlisən. Yəni, qanın boşuna axıdılırsa, malın mənasız sərf olunursa, təqiyyə edilməlidir. Qanın yüzlərlə insanın səadətinə, xoşbəxtliyinə, rahat yaşamasına səbəb olacaqsa, fədakarlıq edib şəhid olacaqsan, malından keçəcəksən. Şəhidlik bir nəfərin fiziki yoxluğu nəticəsində, digərlərinin rifahının yaxşılaşması, səadətə çatmasıdırsa, təqiyyə də mənasız və boş yerə qanın axıdılmaması və malı qorumaqdır.
Burda daha bir məqam da var. Təqiyyə qorxuya bəhanə ola bilir, əksər halda. Yuxarıda dediklərim iki seçim qarşısında veriləcək qərardır - təqiyyə (canı və malı xilas etmək), şəhidlik (candan və maldan keçib digərlərini xilas etmək). Bəzi halda canın və malın təhlükədə olduğunu bəhanə kimi göstərib, təqiyyə edənlər də var. Heç bir təhlükə olmadan həqiqəti gizlətmək, yaxud zalıma dəstək olmaq və sonra da təqiyyə edirəm demək, yaltaqlıqdır, (bəlkə də münafiqlikdir) ki, dində ciddi tənqid olunub.
Nəticə; dəyərli dindarlar, ruhanilər, adətən təqiyyə kimi etdiklərimiz kənardan yaltaqlıq kimi görünür. Kimsə, bizi məcbur edirmi qəsbkar rejimi dəstəkləyək? Heç bir vəzifə daşımayan, yaxud hansısa məsciddə axund olan şəxslərin qəsbkar rejimi mədh etməsi təqiyyə deyil. Bunu etməsək, nə baş verə bilər? Ən uzağı axundluqdan çıxaracaqlar, çıxarsınlar. Azərbaycanda axund olmaq bizə məhdudiyyətdən başqa nə verir?
Tamam, siyasi məsələlərə qarışmırıq, deyirsiniz, anlaşılır. O zaman həssas məqamlarda zalım İlham Əliyevi və qəsbkar komandasını təqdir etmək nə deməkdir? Xalq əziləndə, ilan kimi torpaq yalayanda, ac-susuz qalanda Məsumlardan (ə) səbir barədə hədislər döşədiyiniz kimi, başqa vaxtlar da təqvadan, Allah qorxusundan danışın. Kimsə məcbur edirsə, illa ki hakimiyyəti təqdir etməlisiz, oturduğunuz mənbərlərdən düşün. Taxta parçalarını boş buraxın. Elə etsəniz, sizin olduğunuz hər yer məscid olar, danışdığınız hər kəlmə ox kimi zalımın qəlbini deşər.
Yox, deyəcəksiniz ki, biz mənbərləri boş qoya bilmərik, Əhli-Beyt düşmənləri bizim yerimizi tutarlar... Narahat olmayın, yaxın keçmişdə 70 il sizdən daha elimli din alimlərini şəhid edib, mənbərlərini yandırdılar. Amma həmin mənbərlərin külü göyərdi. Çünki onlar həqiqətən Peyğəmbər mənbəri idilər, üzərində oturan şəxsiyyətlər də onları taxta parçalarına çevirmədilər.
Qərb və İslam düşmənlərinin əsas hədəfi dinimizi tam yox etmək deyil, mənbərləri kürsüyə, üstündə oturanları da məmura çevirməkdir. Sonra nə qədər namaz qılırıq, oruc tuturuq, həccə gedirik, gedək. Zatən, bunların istəyi də budur ki, biz günümüzü məsciddə keçirək.
Ayıq olaq, din siyasətə qarışmır, deyib dindarlardan istifadə edir hakimiyyət də, müxalifət də. Vəzifəmizi dəqiq müəyyənləşdirsək, təqiyyənin və fədakarlığın yerini və zamanını biləcəyik.
Allah bizə agahlıq nəsib etsin.

Cavid Cabbarlı

Müalicə üçün Bakıdan İstanbula aparılan hüquq müdafiəçisi Oqtay Güləliyevlə bağlı son xəbər açıqlanıb.

Oqtay Güləliyevin oğlu Təbriz Gülalıyev atasının son durumu ilə bağlı Türkiyə həkimlərinin rəyini açıqlayıb:

“Təəssüflər olsun... Türkiyə həkimləri atam Oqtay Gülalıyevlə bağlı etdikləri (KT) müayinənin cavablarını açıqladılar. Həkimlərin bildirdiyinə görə, atamın beyin hüceyrələrindən 3-ü sıradan çıxıb. Bu o deməkdir ki, atam yaşadığı müddətdə hərəkət edə, danışa bilməyəcək. Ancaq reaksiyasız olaraq gözləri açıq olacaq...

Həmçinin, həkimlər bildiriblər ki, komadan ayılması uzun çəkə bilər. Bu müddət 6 ay, hətta 1 il belə ola bilər”.

Oqtay Güləliyev Türkiyədə - İstanbul şəhərində "Avrasiya" klinikasına yerləşdirilib.

Çərşənbə axşamı, 05 Noyabr 2019 00:57

Erməniləri Bakıya kim(lər) gətirir(lər)? - VİDEO

Yazan Javid Jabbarli
Çərşənbə axşamı, 05 Noyabr 2019 00:27

Ağır xəstə olan siyasi məhbus xəstəxanaya köçürülmür

Yazan Javid Jabbarli

Səhhəti pisləşən Nardaran məhbusunu müalicə müəssisəsinə köçürmürlər

 "Göstəriş olmasına baxmayaraq, köçürülmə gecikdirilir”

Nardaran hadisələri zamanı (2015-ci il 26 noyabr) həbs olunaraq 12,6 il azadlıqdan məhrum edilən 68 yaşlı Eldar Bünyadovun səhhətində problemlər yaransa da, müalicəyə göndərilmir.

Bu barədə hüquqşünas Samirə Ağayeva məlumat yayıb.

Hüquqşünas bildirib ki, Eldar Bünyadov Nardaran hadisələrindən 5 gün sonra evində həbs olunub və həmin vaxt fiziki zorakılığa məruz qalıb:

"Bu gün də qabırğalarına vurulan zərbənin təsirindən ağrılar yaşadığını bildirir. Məhkəmə bir çox maddələrlə Eldar Bunyadovu günahkar bilib, 12 il 6 ay müddətinə azadlıqdan məhrum etmə qərarı versə də, Bunyadov bu işin qurama olduğunu söyləyib. O, sifarişlə həbs olunduğunu elə məhkəmə salonundan söyləmişdi”.

Eldar Bünyadovun hazırda 7 saylı Cəzaçəkmə Müəssisəsində saxlanıldığını deyən hüquqşünas bildirib ki, məhbus uzun zamandır hipertoniya və diabet xəstəliyindən əziyyət çəkir. Böyrəklərindəki kəskin ağrılar, kistalar səbəbindən ayaqlarında şişkinlik hər ötən gün artmaqdadır. Şəkərin təsirindən bir gözü görmək imkanını itirmək ərəfəsində olduğu halda digər gözü də zəifləməyə başlayıb və o eynəkdən tam asılı vəziyyətə düşüb:

 "Müəssisədə Eldar Bunyadovu müayinə ediblər. Gəldikləri qənaət belə olub ki, o tezliklə xəstəxanaya köçürülməlidir. Ötən həftədən köçürülmə haqqında mərkəzin göstərişi olsa da, bu günə qədər hələ də heç bir səbəb göstərilmədən Eldar Bunyadovun köçürülməsi yubadılır. 7 saylı müəssisənin baş həkimi Eldar Bunyadova deyib ki, hələ onun göndərilməsi haqqında hər hansı bir əmr yoxdur”.

Penitensiar Xidmətin ictimaiyyətlə əlaqələr şöbəsinin rəsmisi Mehman Sadıqov Meydan TV-yə deyib ki, məhkumların müayinə və müalicəsini Baş İdarə həyata keçirir. Əgər məhkumun Müalicə Müəssisəsinə keçirilməsi haqda həkim rəyi varsa, köçürülməlidir. Sadəcə, rəydə müddətlər göstərilir və həmin müddətdə məhbus xəstəxanaya göndərilir.

26 noyabr 2015-ci ildə Bakının Nardaran qəsəbəsində polislə baş verən qarşıdurma nəticəsində 7 nəfər ölüb, 4 nəfər yaralanıb. Hadisədən sonra 14 nəfər həbs olunub.

Bazar ertəsi, 04 Noyabr 2019 00:38

… yeganə çıxış yolumuzdur!

Yazan Javid Jabbarli

Tarixə nəzər salsaq, görərik ki, bizi biz edən dəyərləri bizdən qoparmaq üçün bizi idarə etməyə bizdən olmayanları təyin ediblər. Belə bir deyim var “Parçala, hökm sür“.

Nədən bütün çirkin əməllərini bizim üzərimizdə həyata keçirirlər? Nədən bizə qarşı bu qədər kin-nifrət və aqressiya var? Bunun səbəbini öyrənmək üçün bir az araşdırmaya ehtiyac var. Lakin bildiyim bəzi məqamları nəzərinizə çatdırmağa çalışacam.

Başı bəlalı Azərbaycan elə bir geosiyasi regionda yerləşir ki, hamının gözü bu zəngin dövlətin üzərindədir. Torpaqlarımız işğala məruz qalsa da, üzərimizə hücumlar hələ də davam edir.

Təribən 70 il sovetlər birliyinin tərkibində mili və dini dəyərlərimiz müxtəlif vasitələrlə sıradan çıxarıldı. Müstəqillik dövründə (son 28 il) daha ağır işgəncə və hücumlara məruz qalmışıq.

Ciddi iddialara görə, Azərbaycan hakimiyyətinin üst qatında erməni qarışığı olan şəxslər yer alıb. Bu da, ölkəmizin qaranlıq gələcəyindən xəbər verir.

Digər ölkələrdə aşağıda yazacaqlarım baş versəydi, bəlkə də xalqı küçələrdən yığışdırmaq olmazdı. Amma Azərbaycanda xalqın heç vecinə də deyil. Sanki belə olmalıymış, hökumət nümayəndələri yağ-bal içində, xalq isə yoxsulluqla yaşamalıymış.

Allahın bizə bəxş etdiyi təbii sərvətlərdən, bizdən başqa, hamı yararlanır. Çünki “ölkəbaşbilən“lərimiz erməni və kürd separatçılarına sevgi ilə tanınırlar. Masallı rayonunda borca görə məscidə verilən qaz xətti kəsilir, erməni kilsəsinə pulsuz qaz verilir. Qarabağ uğrunda döyüşən qazilərimiz ən ağır və biabırçı formada təhqir olunurlar.

Bu sadaladıqlarım ciddi problemlərdirlər. Şəxsi maraqları kənara qoyub, eyni hədəf uğrunda mübarizəmiz, yeganə çıxış yolumuzdur!

Valeh Hüseynli

Milli Mədəniyyətin Təbliği İctimai Birliyi Slavyan Universitetində 20 Yanvar faciəsinin mühəndislərindən olan Primakovun 90 illik jubley tədbirinə etiraz bəyanatı yayıb. Bu barədə Xeberinfo.de-ə Birliyin sədri, ictimai xadim Jalə xanım Cəfərova məlumat verib. 

Xeberinfo.de həmin bəyanatı təqdim edir:

"Ermənistanın Azərbaycana qarşı ərazi iddiası, onun işğalçı müharibə yolu ilə Qarabağa qarşı olan təcavüzkar siyasəti otuz ilə yaxındır ki davam edir. Dağlıq Qarabağ bütün tarixi dövrlərdə yalnız Azərbaycanın ayrılmaz tərkib hissəsi olmuşdur. Ermənistanın Qarabağa ərazi iddiasının tarixi kökləri, onun təcavüzkar mahiyyəti, Ermənistanın Azərbaycana qarşı müharibəsinin işğalçı xarakteri "böyük Ermənistan" yaratmaq xülyasının nəticəsidir. Ermənistanın Azərbaycana olan uydurma torpaq iddiaları heç bir tarixi mənbəyə söykənmir. Bu baxımdan, Qarabağ problemi və erməni məsələsi tarixən mövcud olmuşdur. Ermənistan silahlı qüvvələri tərəfindən Azərbaycana qarşı işğalçılıq müharibəsinin başlanması, müharibənin gedişi, Azərbaycan ərazilərinin işğalı prosesi və zəbt olunmuş Azərbaycan torpaqlarında qurulmuş işğalçılıq rejimi nəticəsində dövlətimizə külli miqdarda maddi-mənəvi ziyan dəymişdir.

Azərbaycanın tarixi abidələrinə münasibətdə erməni vandalizmi özünü göstərir. Ermənilər işğal altında olan ərazilərimizdə yüzlərlə tarixi-dini abidələrimizi məhv ediblər.

Azərbaycan xalqının mədəni irsi bəşər mədəniyyətinin ayrılmaz tərkib hissəsi olduğundan Azərbaycan Respublikasının ərazisində xalqımızın çoxəsrlik tarixi keçmişindən yadigar qalmış tarix və mədəniyyət abidələrinin mühafizəsi beynəlxalq əhəmiyyət kəsb edən bir problemdir.

Bu baxımdan Azərbaycanın işğal olunmuş ərazilərində erməni işğalçılarının özbaşınalığı, tarix və mədəniyyət abidələrimizin dağıdılması və qəsdən korlanması "Silahlı münaqişə baş verdikdə mədəni dəyərlərin qorunması haqqında" 1954-cü il Haaqa Konvensiyasına, "Arxeoloji irsin mühafizəsi haqqında" 1992-ci il Avropa Konvensiyasına, "Ümumdünya mədəni və təbii irsin mühafizəsi haqqında" YUNESKO-nun 1972-ci il konvensiyasına ziddir.

Bütün bunlar az imiş kimi sapıözümüzdən olan üzdəniraq “ziyalı”ların vurduğu zərbə heç bir ölçüyə sığmır.

1990-cı il 20 yanvar faicəsinin müəlliflərindən olan cəllad Jevgeni Primakovu xatırlamayan yoxdur. İllərdir bu cəlladların ədalət məhkəməsi qarşısında layiqli cəzalarının almasını tələb etdiyimiz halda heç bir məntiqi izahına ehtiyac olmayan iyrənc bir addım atılır. Bu 90 yaşlı cəlladın yubileyi şərəfinə Slavyan universitetinin rektoru Nurlana Əliyevanın tələbələr arasında esse müsabiqəsi keçirilməsini təklif edib. Bunun izahı varmı? İllərdir bacardığımız qədər yetişməkdə olan yeni nəslə Vətən sevgisini aşılamağa çalışdıq. Şəhidlərimizi tanıtdıq, işğalçıları tanısınlar deyə, bu gün də əlimizdən gələni edirik və bu bizim vətəndaşlıq borcumuzdur. Bəs görəsən özünü ziyalı sayan rektor nə düşüncə və əxlaqla bu addımı atıb? Bu rəzil addımın yalnız cavabı bu ola bilər. Belə bir insan nəinki ali məktəbə rəhbərlik edə bilməz, beləsinin Azərbaycanda nəfəs alması belə günahdır. Biz Milli Mədəniyyətin Təbliği ictimai Birliyi olaraq xalqın səsinə səs verərək tələb edirik:

1. Əliyeva Nurlananın bütün elmi titulları ləğv edilsin

2. İstefaya göndərilməklə layiqli cəza verilsin.

3. Şəhid ailələrindən bütün ictimaiyyətdən üzr istəsin".

Çərşənbə, 30 Oktyabr 2019 02:22

Hafiz Paşayev istefa verdi

Yazan Javid Jabbarli
Azərbaycan Respublikasının Xarici İşlər nazirinin müavini, ADA Universitetinin rektoru Hafiz Paşayev öz ərizəsi ilə Azərbaycan Respublikasının Prezidenti cənab İlham Əliyevə müraciət edərək Xarici İşlər nazirinin müavini vəzifəsindən azad olunmasını xahiş edib.
Xarici İşlər Nazirliyindən verilən xəbərə görə, müraciətində H.Paşayev əmək fəaliyyətinin 27 ilini müstəqil Azərbaycanın dövlət strukturlarında işlədiyini və ölkəmizin maraqlarını hər zaman yüksək tutduğunu deyib.
O qeyd edib ki, dövlət başçısının rəhbərliyi altında Azərbaycanda aparılan islahatların effektiv şəkildə həyata keçirilməsi üçün dövlət qulluğuna yeni və cavan kadrların gətirilməsi çağırışını nəzərə alaraq öz istəyi ilə belə bir addım atıb.
H.Paşayev ADA Universitetinin rektoru vəzifəsini və ADA Universitetinin XİN-in nəzdində olduğunu nəzərə alaraq, XİN-in Kollegiyasının üzvü kimi fəaliyyətini davam etdirəcək.
Çərşənbə, 30 Oktyabr 2019 01:57

Oktay Güləyevi maşın vurub - VİDEO

Yazan Javid Jabbarli
Hüquq müdafiəçisi Oqtay Gülalıyevi maşın vurub. 
Məlumata görə, axşam saatlarında hüquq müdafiəçisi Oqtay Gülalıyevi Səməd Vurğun bağının yanında piyada keçidindən yolu keçərkən maşın vurub. 
Hüquq müdafiəçisinin Baku City Hospitalına yerləşdirildiyi bildirilir. Oqtay Gülalıyevin vəziyyəti ağırdır, huşu üstündə olsa da, reaksiyası zəifdir, fikrini izah edə bilmir. Kəllə beyin silkələnməsi travması alıb.
Qeyd edək ki, qtay Gülalıyev və bir neçə vətəndaş cəmiyyəti fəalları oktyabrın 28-də  "İşgəncələrə son qoyulsun!” adlı 10 günlük ictimai kampaniya başladıblar.
Kampaniyanın başlaması və kampaniya çərçivəsində nəzərdə tutulan tədbirlər barədə oktyabrın 29-da saat 14.00-da təşkilat komitəsi üzvlərinin mətbuat konfransında rəsmi məlumat verilib və Oqtay Gülalıyev çıxış edib.
Çərşənbə axşamı, 29 Oktyabr 2019 23:06

İlham Əliyev.....yaxşı, cənab İlham Əliyev! -

Yazan Javid Jabbarli

Xeberinfo.de-in məlumatına görə, keçmiş siyasi məhbus, şair Saday Şəkərli İlham Əliyevə müraciət edib. O, müraciətini facebook profilində yayımlayıb.

Şairin müraciətini olduğu kimi təqdim edirik:

"Şərlənib həbs olunduğumdan bir həftə sonra üzvü olduğum Rusiya və Başqırdıstan Yazıçılar İttifaqları dünyaca şöhrətli yazıçıların imzasıyla Sizə müraciətlər ünvanladılar. Cavab verməyə hakimiyyətinizdə bir ağıllı adam tapılmadı və o qədər yazıçının haqqınızda nələr düşündüyünün fərqinə vardınızmı? Ancaq burdan-bura AYB susdu və məhkəməyə bir arayış təqdim etmişdi: Saday Şəkərli adında bir adam AYB-də işləmir. Halbuki bu təşkilatın İdarə Heyətinin üzvü olub və istefa vermişdim.
Anar mənim başımın üstündən mənzil payımı öz katibəsinə və digərlərinə verəndə etirazlarıma reaksiya verən bir Hakimiyyət nümayəndəsi oldumu?
AYB sədri Anar məşhur kafe qalmaqalında TV müsahibələrində o kafedən alınan icarə haqqını imkansız yazıçılar arasında bölüşdürürük deyirdi. Bir soruşan olmadı ki, özü türmədə, oğlu məktəbli, arvadı işsiz olan S.Şəkərliyə o pullardan bir manat ayrıldımı?
Tərəfinizdən ayrılmış səkkiz yüz min manatı goreşənlər öz aralarında bölüşdürdülər, niyə bir xəbər alanınız tapılmadı ki, bu vəsaitdən türmədən sonra xəstəlikdən əzab çəkən üzvünüzə niyə yardım etmədiniz?
Hazırda yazıçılar üçün tikiləcək binada mənzil növbəsində olanlar arasında S.Şəkərlinin adının olub-olmamasıyla maraqlananınız yoxdumu?
AYB fəalları xalq düşməni kimi adımı internet səhifələrindən süpürüblər.
Atası Rəsul Rza 37-ci ildəki xidmətlərinə görə 38-ci ildə Sovet KQB-sinin əliylə AYİ-na sədr gətirildi. Eyni funksiyanı oğlu 30 ildən artıqdır ki, yerinə yetirir.
Daha bu təşkilatda özümü görmədiyimdən istefa verməyi qərara aldım. İnanıram ki, bu hərəkətimə isə mütləq reaksiya verənlər tapılacaq".

Çərşənbə axşamı, 29 Oktyabr 2019 20:54

Almaniyada "İlham, xalqan əlini çək-İSTEFA" - yürüş-mitinq keçirilib - FOTO+VİDEO

Yazan Javid Jabbarli

Xeberinfo.de-nun verdiyi məlumata görə, "Kölgə" təşkilatının təşəbbüsü ilə Düsseldorf (Almaniya) şəhərində yürüş-mitinqi keçirilib. Mitinq məzlum Azərbaycan xalqına dəstək məqsədilə, "İlham, xalqdan əlini çək-İSTEFA" şuarıyla təşkil olunub. 100-ə yaxın mühacirin qatıldığı yürüş-mitinqində Avropa dövlətlərinə də mesaj verilib. Sonda qətnamə oxunub.

Xeberinfo.de yürüş-mitinqin qətnaməsini təqdim edir: 
"BESCHLUSS
zur Protestaktion "Unterstützung der unterdrückten aserbaidschanischen Bevölkerung - Ilham, nimm deine Hände weg vom Volk, RÜCKTRITT", die von den aserbaidschanischen Asylbewerbern organisiert wurde.

Deutschland, 27.10.2019
Düsseldorf

Das rücksichtslose Verhalten der Aliyev's Dynastie und seiner Regierung gegen das aserbaidschanische Volk und aserbaidschanische Staatlichkeit beunruhigt alle ernsthaft. Die Einschränkungen der Rechte und Freiheiten, Massenverhaftungen und Folter sind an der Tagesordnung des Regimes. Die brutale und grausame Vorgehensweise der Regierung gegen die organisierte Protestaktion vom 19. Oktober, die Festnahme von mehr als 300 Demonstranten und die schweren Körperverletzungen an die Oppositionsführer (Ali Karimli, Ibrahim Ibrahimli und Tofig Yagublu) und andere Vorfälle zeigen den Ernst der politischen Lage im Land.

Zu unserem Bedauern gibt es keine rechtliche Bewertung der Gesetzlosigkeit und Ungerechtigkeit im Land und die Opposition wird für die von der Polizei begangenen Verbrechen gegen friedliche Demonstranten verantwortlich gemacht.

Die Gewaltanwendung der Regierung gegen die Bürger hört hier nicht auf. Die Verurteilung unschuldiger Menschen mit den inszenierten Anschuldigungen, die Arbeitslosigkeit, die künstlich geschaffenen sozialen Probleme, Vetternwirtschaft und viele andere Fälle sind berechtigte Gründe, den Rücktritt der Regierung und der Dynastie zu fordern.

In den letzten Tagen wurden der Amtswechsel einiger älteren Kader als sog. Reform in der Gesellschaft präsentiert. Solche Fälle sind keine Reformen und können die politische Situation im Land nicht zum Besseren und Positiven wenden. Das verfaulte Regime muss zurücktreten, das System muss radikal verändert werden. Wir fordern als Volk den Rücktritt von Ilham Aliyev und wünschen von internationalen Organisationen und Staaten, die auf demokratischen Werten beruhen:

- Verschließen Sie Ihre Augen nicht noch mehr vor der Unterdrückung des aserbaidschanischen Volkes;

- Verweigern Sie die Zusammenarbeit mit der Regierung, die ihre Bevölkerung ins Elend getrieben hat;

- Gefährden Sie die demokratischen Werte nicht für Wirtschaftsinteressen;

- Fordern Sie die aserbaidschanische Regierung auf, die politischen Gefangenen freizulassen;

- Verhängen Sie die Sanktionen gegen die aserbaidschanischen Oligarchen;

- Einschränkung der Beziehungen zwischen internationalen Organisationen und demokratischen Staaten zu der aserbaidschanischen Regierung;

Gleichzeitig fordern wir von der gegenwärtigen Regierung Aserbaidschans:

- Sofortige Freilassung politischer Gefangenen;

- Gewährleistung und Ausführung der Versammlungsfreiheit und der Ausübung anderer Rechte und Freiheiten;

- die Verbrecher gegen das Volk vom 19. Oktober müssen im rechtlichen Rahmen bestraft werden;

- vollständiger Rückritt der Regierung, einschließlich Ilham Aliyev.

Der Hauptschuldige an jeglicher Gesetzlosigkeit und grausamer Vorgehensweise gegen das Volk in Aserbaidschan ist Ilham Aliyev. Deshalb fordert das Volk den Rücktritt von Ilham Aliyev, und wir werden so lange weiter kämpfen, bis wir unser Ziel erreicht haben!

Ilham, nimm deine Hände weg vom Volk, RÜCKTRITT.
Freiheit für alle Politischen Gefangenen.
Beenden Sie die Zusammenarbeit mit Aliyev's Regierung. Beende die Folter, Ilham.
Wir fordern Sanktionen gegen Oligarchen und Beamten".

(Azərbaycanlı mühacirlər tərəfindən təşkil olunmuş “Məzlum Azərbaycan xalqına dəstək – İlham, xalqdan əlini çək, İSTEFA“ adlı yürüş mitinqin
QƏTNAMƏSİ
Almaniya, 27.10.2019
Düsseldorf
Əliyev sülalə hakimiyyətinin Azərbaycan xalqına və dövlətçiliyinə qarşı amansız davranışı hamımızı ciddi narahat edir. Hüquq və azadlıqların məhdudlaşdırılması, kütləvi həbslər, işgəncələr rejimin gündəlik işinə çevrilib. 19 oktyabrda təşkil olunan etiraz aksiyasına qarşı hökumətin vəhşi və amansız davranışı, 300 nəfərdən çox etirazçının saxlanılması, müxalifət liderlərinə (Əli Kərimli, İbrahim İbrahimli və Tofiq Yaqublu) ağır bədən xəsarətlərinin yetirilməsi və sair hallar ölkədəki siyasi vəziyyətin ağırlığını göstərir.
Çox təəssüflər olsun ki, ölkədəki qanunsuzluqlara heç bir hüquqi qiymət verilmir və dinc aksiya keçirənlərə qarşı polisin törətdiyi cinayət hallarında müxalifət günahlandırılır.
Hakimiyyətin vətəndaşlara qarşı zorakılığı bununla bitmir. Günahsız insanların şərlənərək həbs olunması, işsizlik, sünii yaradılmış sosial problemlər, qohumbazlıq və sair hallar sülalə hakimiyyətinin istefasını tələb etmək üçün köklü səbəblərdir.
Son günlər bəzi yaşlı kadrların yerdəyişməsi islahat adıyla cəmiyyətə təqdim edilir. Belə hallar islahat deyil və ölkədəki vəziyyəti müsbətə tərəf dəyişə bilməz. Çürük rejim istefaya getməli, sistem kökündən dəyişilməlidir. Biz xalq olaraq, İlham Əliyevin istefasını tələb edir, beynəlxaql təşkilatlardan və demokratik dəyərləri əsas götürən dövlətlərdən istəyirik:
- Məzlum Azərbaycan xalqının daha çox əzilməsinə göz yumulmasın;
- Xalqını səfil gününə salmış hökumətlə əməkdaşlıqdan imtina edilsin;
- İqtisadi maraqlara görə, demokratik dəyərlər tapdalanmasın;
- Azərbaycan hökumətindən siyasi məhbusları azad etmək, tələb olunsun;
- Azərbaycanın oliqarx məmurlarına qarşı sanksiyalar tətbiq edilsin;
- Beynəlxalq təşkilatlar və demokratik dövlətlərin Azərbaycan hakimiyyətilə əlaqələr məhdudlaşdırılsın;
Eyni zamanda, Azərbaycanın mövcud hakimiyyətindən tələb edirik:
- Siyasi məhbuslar dərhal azad edilsinlər;
- Sərbəst toplaşmaq azadlığı və digər hüquq və azadlıqların icrası təmin olunsun;
- 19 oktyabrda xalqa qarşı cinayət törədənlər hüquq müstəvisində cəzalandırılsınlar;
- Başda İlham Əliyev olmaqla, hakimiyyət bütövlüklə istefa versin.
Azərbaycanda bütün qanunsuzluqların və xalqa qarşı amansız rəftarın əsas günahkarı İlham Əliyevdir. Ona görə də İlham Əliyevin İstefasını tələb edir, hədəfimizə nail olana qədər mübarizə aparacağıq!"

27.10.2019 Düsseldorf Kolge6

27.10.2019 Düsseldorf Kolge7

27.10.2019 Düsseldorf Kolge427.10.2019 Düsseldorf Kolge5

27.10.2019 Düsseldorf Kolge227.10.2019 Düsseldorf Kolge3

27.10.2019 Düsseldorf Kolge1

1 -dən səhifə 229