Tovuz rayon Vahidli kənd sakini, ikinci qrup Qarabağ müharibəsi əlili Abdullayev Elbrus Sakit oğlu rayon rəhbərliyindən narazıdır.
 
Belə ki, ona məxsus mülkünü əlindən alırlar.
 
Elbrus Abdullayev deyib ki, atası da könüllü olaraq Qarabağ müharibəsində iştirak edib: "Atam Abdullayev Sakit Qara oğlu müharibə başlayandan atəşkəs elan olunanadək könüllü olaraq orduya yazılıb, döyüşlərdə iştirak edib. Mən də evin tək oğlu olmağıma baxmayaraq, Azərbaycan Milli Ordusunda həqiqi hərbi xidmət keçmişəm. Elə bu xidmət zamanı da 1996-cı ildə Tovuz rayonunun Ermənistanla həmsərhəd döyüş nöqtəsində minaya düşərək, ayağımı itirmişəm. Uzun illər boyu ailəmi ordudan qayıdıb müəllimliyini davam etdirən atamın əmək haqqı, bir də dövlətin verdiyi pensiyanın hesabına saxlamışam. Lakin atam artıq pensiyaya çıxıb, ikimizin aldığımız pensiya və yoldaşımın aldığı 200 manat maaşla ailəmizi dolandırmaq çətinləşib. Buna görə də heyvandarlıqla məşğul olub, ailəmizin gəlir imkanlarını artırmaq qərarına gəlmişəm”.
 
E.Abdullayevin sözlərinə görə, bir neçə ay əvvəl kredit götürərək tövlə tikdirib: "İndiyədək bir dəfə də olsun hansısa problemimin həlli üçün dövlətdən yardım istəməmişəm, rayon icra hakimiyyətindən də həmçinin. Amma indi gözləmədiyim halda üzləşdiyim bir problemin həlli üçün Tovuz Rayon İcra Hakimiyyətinə üz tutmalı oldum. Belə ki, bizim kənddə torpaq islahatının nəticələri ləğv olunsa da, camaat hələ də islahat zamanı aparılan bölgüyə əməl edir. Kəndin suvarılan və suvarılmayan ərazilərindən hər sakinə pay ayrılıb. Bizim evimiz və həyətyanı sahəmiz dəmyə sahədədir, suyu motorla vururuq. 
 
Buna görə də bir neçə il əvvəl həmkəndlim, yaxşı münasibətlərimizin olduğu Məmmədov Mayıl Ənvər oğlu ilə birlikdə suvarılan sahədən payımıza düşən torpağı götürüb, əkib-becərməyə başladıq. 2 hektar sahənin 60 sotu mənim, qalanı M.Məmmədovun idi. 3-4 il həmin torpağı birlikdə əkib-becərdik. Sonra bir neçə il M.Məmmədov bunu təkbaşına etdi, çünki övladlarını oxudurdu, atamın məsləhəti ilə ona dəstək olmaq üçün torpağımdan istifadə etməsinə icazə verdim. 
 
 Özüm gedib dəmyə sahədəki torpaq payından istifadə etdim, mal-heyvan üçün otu kənddən 3 kilometr aralıda yerləşən dağlıq ərazidən biçdim. İndi onun övladları ali təhsillərini bitiriblər. Mənim isə 3 övladım böyüyür, onlara təhsil vermək lazımdır. Eyni zamanda atam yaşlaşıb, özümün də ayağımın biri protezdir. Bu vəziyyətdə dağlıq ərazilərdə ot biçib gətirmək mənim üçün çox çətindir. Buna görə də M.Məmmədovdan torpağımı geri almaq istəyirəm. Qeyd edim ki, M.Məmmədov son illərdə o sahəni əkib-becərməyib, sadəcə, sulayaraq otunu biçib satıb. Suvarılan və düzən sahədə olduğu üçün ildə bir neçə dəfə otunu biçmək mümkündür”. 
 
Qarabağ əlilinin sözlərinə görə, M.Məmmədov rahat gəlir mənbəyini itirməmək üçün onun torpağını əldən buraxmaq istəmir: "Bir neçə dəfə müraciət etsəm də, M.Məmmədov torpağımı geri qaytarmaqdan imtina etdi. Mən rayon icra hakimiyyətinin başçısı Məmməd Məmmədovun qəbuluna getdim. Başçı məni qəbul etdi, məsələnin həllini özünün müavini, Sosial-iqtisadi inkişafın təhlili və proqnozlaşdırılması şöbəsinin müdiri Niftalı Qasımova həvalə etdi. Biz evə gəldik, kənddəki dostlara məsələni anladanda bildirdilər ki, Niftalı Qasımov Mayıl Məmmədovun yaxın dostudur, bu işdə onun tərəfini tutacaq. Mən inanmasam da, belə oldu. Belə ki, N.Qasımov M.Məmmədovla görüşdükdən sonra sonuncu gedib mənim sahəmin otunu biçdirib apardı. N.Qasımov bacımla söhbətində M.Məmmədovla dost olduğunu etiraf edərək, sonuncunun mənim saxta əlil olduğumu deməsini eyhamla çatdırıb. 
 
Daha sonra isə evimə polis gələrək, M.Məmmədovun məni onun özəl mülkiyyətində olan torpağa müdaxilə etməkdə suçladığını bildirdi. Halbuki həmin torpaq sahəsi M.Məmmədovun mülkiyyətində deyil. Müharibə dövründə, vətənin təhsilli gənclərə ehtiyacı olduğu zaman üzə çıxmayan M.Məmmədov iddia edir ki, o torpaq onun 30 ilə yaxındır Rusiyada yaşayan bacısının pay torpağıdır. Belə çıxır ki, vətən, torpaq darda olanda əlinə silah alıb döyüşən, sağlamlığını itirən atamın və mənim bu torpaqdan istifadə etməyə haqqımız çatmır, amma müharibə illərində səsi çıxmayan M.Məmmədovun, silah səsi gələn kimi Rusiyaya qaçan yeznəsinin haqqı çatır?! Və bu haqsızlığı faktiki olaraq Tovuz Rayon İcra Hakimiyyətinin yüksək vəzifəli şəxsi olan Niftalı Qasımov müdafiə edir...”.
 
E.Abdullayev bildirir ki, ona hər şeydən çox şəxsinə yönəlik "saxta əlil” böhtanı və bir dövlət məmurunun həmin böhtanı reallıq kimi səsləndirməsi təsir edir: "Mən bu günlərdə ölkə prezidentinə də müraciət etmişəm. Həm M.Məmmədov, həm də N.Qasımovla bağlı məhkəməyə müraciət edəcəm. Qoy onlar mənim saxta əlil olduğumu sübut etsinlər. Eyni zamanda övladlarımla birlikdə Tovuz Rayon İcra Hakimiyyətinin qarşısında aclıq aksiyasına başlayacam. Bu ölkənin prezidentinin Qarabağ əlillərinə göstərdiyi qayğını görməzdən gələn N.Qasımov, Tovuz rayon rəhbərliyi ya birdəfəlik desinlər ki, torpağı qoruyan, onun uğrunda əlil olan şəxslərin ona haqqı çatmır, ya da mənim haqqımı bərpa etsinlər. Hər yerindən duran Qarabağ əlilinə dil uzadacaqsa, haqqını pozacaqsa, hansı valideyn övladını vətəni qorumağa göndərəcək?”.
 
Məsələ ilə bağlı Niftalı Qasımov bildirib ki, M.Məmmədovun əlində o torpaq sahəsinin ona məxsus olduğunu isbat edən heç bir qanuni sənəd yoxdur: "O kənddə torpaq islahatının nəticələri ləğv olunub deyə M.Məmmədovdakı aktlar hüquqi qüvvəyə malik deyil. Yəni mübahisəli ərazi sənəd üzərində nə M.Məmmədova, nə də E.Abdullayevə məxsusdur. Sadəcə, kənd camaatı öz aralarında razılığa gələrək, sahələrdən istifadə edirlər. Mübahisə edən tərəflər də bir neçə il həmin ərazidən birgə istifadə ediblər. O kənddən torpaqla bağlı narazılıqlar çox olduğu üçün biz Əmlak Məsələləri Dövlət Komitəsi ilə danışıqlardan sonra qərara gəldik ki, kənd bələdiyyəsinə icazə verək, islahata düşən ərazilər üzrə vətəndaşlarla icarə müqaviləsi bağlasın. M.Məmmədov həmin ərazi üzrə bələdiyyə ilə icarə müqaviləsi imzalayıb. Amma müqavilənin müddəti bu il bitir, biz gələn ildən həmin ərazi üzrə E.Abdullayevlə müqavilə imzalanmasını təmin edəcəyik”.
Vahidli kənd bələdiyyəsinin sədri Sədi Rüstəmov isə bildirib ki, mübahisəli ərazi ilə bağlı bu il üçün M.Məmmədovla hər hansı müqavilə bağlanmayıb.
 
Öz növbəsində E.Abdullayev N.Qasımovun öz dostunu himayə etdiyini bildirir: "Mən əziyyət çəkib torpağı suvarmışam, biçinə hazırlamışam, M.Məmmədov isə gəlib otunu biçib aparıb və satıb. Onun heyvanı da yoxdur, neçə illərdir ərazinin otunu biçib satır, ya da başqa kəndin sakinlərinə icarəyə verir. Buna şərait yaradan Niftalı Qasımovdur. Onun himayəsi olmasa, M.Məmmədov bu addımı ata bilməzdi. İndi N.Qasımov deyir ki, müqavilə var, çıxarsınlar o müqaviləni ortalığa. Bunlar, sadəcə, M.Məmmədovun haqsız, qanunsuz əməlini ört-basdır etməyə yönəlmiş bəhanələrdir. Mən haqqımı tələb edirəm, əziyyət çəkib suvardığım sahədən biçilən otu geri qaytarsınlar, M.Məmmədov torpağımdan əlini çəksin”.
Bazar ertəsi, 17 İyun 2019 22:34

Prezident məhkəmə zalında öldü - Misirdə

Yazan

Misirin sabiq prezidenti Məhəmməd Mursi bazar ertəsi Qahirədə, məhkəmə salonunda vəfat edib.

Bu barədə “Sabah” qəzeti məlumat yayıb.

Onun halı müttəhim kimi təqsirləndirildiyi casusluq işi üzrə məhkəmə iclasında pisləşib və elə orda keçinib. Mursinin ürəktutmasından öldüyü ehtimal olunur.

2014-cü ildə eks-prezidentin vəkili onun epilepsiyadan əziyyət çəkdiyini və bir zamanlar keçirdiyi beyin əməliyyatına görə, tez-tez halının pisləşdiyini bildirmişdi.

Məhəmməd Mursi 1951-ci ildə anadan olub. O 2012-ci ildə Misir prezidenti seçilib. 2013-cü ildə Misirdə hərbi çevriliş zamanı devrilərək həbs edilib.

7 ildir zindanda saxlanılan sabiq prezidentin ölümünü “şəhadət” adlandıran Rəcəb Tayyib Ərdoğan Misir xalqına ilk başsağlığı verən dövlət başçısı olub.

Qonşu Gürcüstan respublikasından sığınacaq istəyən və iki ilə yaxın müddətdə orada yaşayan ictimai fəal Avtandil Mammadov yerli polis tərəfindən saxlanılıb. Ailəsindən verilən məlumata görə, bu saatlarda Azərbaycan sərdəddinə aparılır. Böyük ehtimalla onu Azərbaycana təhvil verəcəklər

Müdafiə Nazirliyinin mətbuat xidmətinin keçmiş rəhbəri Eldar Sabiroğlu oğlu Rüfət Səfərivdan imtina edib.

E.Sabiroğlu bununla bağlı oğluna məktub yazıb. O, məktubunda oğluna artıq onun atası olmadığını deyib, hətta cənazəsinə belə gəlməməyini tapşırıb.

Məktubu Rüfət Səfərov özünün feysbuk səhifəsində yayıb.

Qeyd edək ki, R.Səfərov keçmiş müstəntiqdir. 

O, prokurorluq orqanlarındakı fəaliyyətə etiraz edərək işdən ayrılmış, daha sonra isə həbs edilmişdi. Uzun müddət həbsdə qalan R.Səfərov ölkə başçısının əfv sərəncamı ilə azadlığa çıxmışdı.

Eldar Sabiroğlunun oğlundan imtina məktubunu təqdim edirik: 

15607599196426363122526294215206045575370860245549056n

İyunun 17-də saat 08 radələrində Ağstafa rayonunun Böyük Kəsik kəndinin ərazisindəki kənd təsərrüfütı məhsullarının satış bazarında orada satıcı işləyən Sadıxlı kənd sakinləri - Şərqiyyə Musayevanın, oğlanları Novruz və Şəmiddinin, həmçinin Ağgöl kənd sakinin Zeynəb Cəlilovanın odlu silahla qətlə yetirilmələri, daha 3 nəfərin isə ağır bədən xəsarətləri alması barədə daxil olmuş məlumat əsasında prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitlərə baxış keçirilib, oradan iş üçün əhəmiyyət kəsb edən digər maddi sübutlar götürülüb və zəruri prosessual hərəkətlər yerinə yetirilib.

DİN-in mətbuat xidmətindən verilən məlumata görə, faktla bağlı rayon prokurorluğunda Cinayət Məcəlləsinin 120.2.7 (iki və ya daha çox şəxsi qəsdən öldürmə) və 228.1-ci (qanunsuz olaraq odlu silah əldə etmə, saxlama və daşıma) maddələri ilə cinayət işi başlanılıb, iş üzrə müvafiq ekspertizalar təyin edilib.

İlkin araşdırmalarla bu ağır cinayətin Ağstafa rayonunun Sadıxlı kənd sakini Elnur Süleymanov tərəfindən şəxsi münasibətlər zəminində qisas almaq niyyətilə törədilməsi, bu zaman onun “Kalaşnikov” markalı avtomat silahdan istifadə etməsi müəyyən olunub.

Təxirə salınmadan həyata keçirilmiş əməliyyat-axtarış və qabaqlayıcı profilaktik tədbirlər nəticəsində E.Süleymanov Ağstafa Rayon Polis Şöbəsinə könülü gələrək təslim olub, cinayətin aləti olan odlu silahı istintaq orqanına təqdim edib.

Ağır cinayəti törətməkdə şübhəli bilinən Elnur Süleymanova Cinayət Məcəlləsinin qeyd olunan maddələrində nəzərdə tutulmuş ittiham elan edilərək  barəsində məhkəmənin qərarı ilə həbs qətimkan tədbiri seçilib.

Sözügedən hadisənin ağırlıq dərəcəsi  və geniş rezonans doğurması nəzərə alınaraq, eyni zamanda, cinayətin hərətərəfli, tam və obyektiv araşdırılması məqsədilə respublika Baş Prokurorluğunun və Daxili İşlər Nazirliyinin təcrübəli əməkdaşlarından ibarət qrup artıq Ağstafa rayonuna ezam olunub.

Hazırda cinayət işi üzrə zəruri istintaq və əməliyyat-axtarış tədbirləri davam etdirilir.

Ayağını itirmək təhlükəsilə üzləşən şəkər xəstəsi kömək istəyir. Xeberinfo.de-in verdiyi məlumata görə, bu barədə xəstə Rzaxanova Xalidə Azeltv-ə danışıb: 

Milli Mədəniyyətin Təbliği İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi “Məktəblilər üçün muzey dərslərinin təşkili” layihəsi çərçivəsində ilk tədbirini 7 iyun 2019-cu il tarixində həyata keçirtmişdir. Milli Mədəniyyətin Təbliği İctimai Birliyinin üzvləri sədr Jalə xanım Cəfərova, layihə eksperti Nazim Əhmədoğlu və təşkilat üzvü Nurlan Bayramov öncə İsmayıl Mürşüdov adına tam orta məktəbdə həyətində, açıq havada şagirdlərlə görüş keçirdərək, layihə barədə məlumatlar verdilər. Uşaqlara 8 iyun 2019-cu il tarixində saat 08.00 Aşağıquşçu kəndində yerləşən poçtun ətrafına toplaşmaları barədə tapşırıqlar verildi. Sonra məktəbin direktoru Abdiyev Əli çıxış edərək belə əhəmiyyətli, maraqlı layihə üçün təşkilat üzvlərinə öz təşəkkürünü bildirdi.

8 iyun 2019-cu il tarixində saat 08.00 Aşağıquşçu kəndində yerləşən hər üç məktəbin şagirdlərindən təşkil olunmuş 30 nəfər məktəblilərdən və 5 nəfər valideyin və müəllimlərdən ibarət işçi qrup, polis müşaiyyəti ilə Ağstafa şəhərinə yola düşdü.

Səfərdən əvvəl uşaqlara, layihə işi çərçivəsində hazırlanmış Şuranın və MMT ictimai birliyinin loqoları olan xüsusi geyimlər paylanıldı.

Səfər layihə işində nəzərdə tutulduğu kimi Akstafa şəhərində yerləşən muzeylərin və tarıxi məkanların ziyarəti ilə başladı. İlk olaraq ŞƏHİDLƏR XİYABANI ziyarət edildi. Şəhidlərin ruhuna dua və sayğı duruşundan sonra səfər iştirakçıları Dövlət Himnini səsləndirdilər. Layihə rəhbəri və ekspert uşaqlara Şəhidlərimizlə bağlı məlumatlar verdi. Şagirdlər vətənpərvərlik mövzusunda şerlər söylədilər və cərgə ilə bütün məzarları ziyarət etdikdən sonra, xiyabanı tərk etdilər.

Növbəti səfər ulu öndər Heydər Əliyevin heykəlinin ziyarəti və Heydər Əliyev Mərkəzi oldu. Mərkəzin direktoru Ləman xanım Cəlilova şagirdləri çox böyük sevgiylə qarşıladı. Mərkəz haqqında və burda olan eksponatların tarixi haqda geniş məlumatlar verdi. Umaqlar kino zalında Ağstafada dünyaya göz açan evin yeganə övladı Milli Qəhrəman Aqil Tatarov haqqında çəkilmiş sənədli filmə həyacanla baxdılar. Filmdən sonra uşaqların suallarına təçkilat üzvləri və muzeyin direktoru Ləman xanım Cəlilova şagirdlərin suallarını cavablandırdılar.

Sonra Ağstafa Tarix və Diyarşnaslıq muzeyinə, Ağstafa Rəsm Qaleriyasına səfər təşkil edildi. Ağstafa Tarix və Diyarşnaslıq muzeyində bələdçi Mehriban xanım, müzeyin sahəsinin çox kiçik və təmirə ehtiyacı olduğuna baxmayaraq, nümayiş etdirilən muzey eksponatları olan Qarabağ xalçaları, orta əsrə aid məişət alətləri və avadanlıqları barədə uşaqlara geniş məlumatlar verdi.Ağstafa Rəsm Qaleriyasında Gülnara xanım muzeyda nümayiş olunan rəsm əsərləri və ümumilikdə muzeyin fəaliyyəti barədə məktəblilərə geniş məlumatlar verdi.

Səfər zamanı uşaqlar üçün Ağstafa kafesində nahar və çay fasiləsi təşkil edildi.

Tədbirin işi zamanı foto-vidio çəkilişlər aparıldı.

Tədbir zamanı məktəblilərə tariximiz və mədəniyyətimizlə bağlı geniş məlumatlar verildi və onlar olduqca maraqlı bir gün keçirtdilər.

Hörmətlə,

Milli Mədəniyyətin Təbliği

İctimai Birliyini sədri

Jalə xanım Cəfərova

jale1jale2jale3

Xeberinfo.de-nin verdiyi məlumata görə, dünən (14.06.2019) Almaniyada yaşayan bir qrup siyasi mühacir 15 İyun – Qurtuluş Gününə etiraz olaraq aksiya keçiriblər.

Azərbaycanın Berlindəki səfirliyi qarşısında keçirilən etiraz aksiyasının əsas şüarı "Saxta qurtuluşa son, diktaturaya istefa", - olub. Aksiya iştirakçıları çıxışlarında həmin tarixi xalqın faciələrinin başlanğıcı kimi qiymətləndiriblər. Eyni zamanda, ölkədəki siyasi məhbuslara azadlıq tələbləri də səsləndirilib.

İlk olaraq çıxış edən siyasi mühacir Cavid Cabbarlı bildirib: “Dünyanın heç bir ölkəsində belə bir qayda yoxdur ki, Milli Məclis sədrinin seçilməsi bayram kimi qeyd edilsin. Ölkə iqtidarı Azərbaycanın birinci və ikinci dəfə müstəqillik qazandığı tarixləri bayram kimi qeyd etmədiyi halda, Heydər Əliyevin hakimiyyətə gəlişi rəsmi bayram kimi qeyd edilir. Azərbaycanda özbaşınalıq, xaos və korrupsiyanın əsası məhz 15 İyun tarixində qoyulub. Biz buraya saxta qurtuluşdan qurtulmağa toplaşmışıq”.

C.Cabbarlı, iqtidara etiraz olaraq davamlı etiraz aksiyalarının keçiriləcəyinin də anonsunu verib.

Siyasi mühacir Rafiq Təmrazov isə qurtuluş gününə etiraz mitinqinin əhəmiyyətindən danışıb, həmçinin 28 mayın, Məmməd Əmin Rəsulzadə və cümhuriyyət qurucularının yazdığı gerçək tarixin əhəmiyyətini vurğulayıb. O, indiki iqtidarın demokratik dəyərlərə, cümhuriyyətə hörmətsizliyini xüsusi vurğulayaraq, ölkəni saldıqları ağır duruma da diqqət çəkib. Ölkədəki siyasi həbslərdən, demokratik dəyərlərin pozulmasından, bir neçə dəfə edilən mürtəce Konstitusiya dəyişikliyindən və Azərbaycandakı avtoritar quruluşdan da geniş danışaraq, Ermənistan tərəfindən işğal edilmiş torpaqların da məhz indiki iqtidarın qorxaqlığı və səriştəsizliyi nəticəsində on illərlə geri qaytarılmadığını da diqqətə çatdırıb. Onun fikrincə, ölkədə demokratiya bərqərar olacağı təqdirdə, Heydər Əliyevin deyil, həqiqi liderlərin, ulu öndərlərin, Rəsulzadə və tərəfdarlarının heykəlləri ucaldılacaq.

Jurnalist Röya Rəfiyeva isə qurtuluş günü başda olmaqla, ölkədəki bütün saxta tarixi günlərə etiraz etməyin vacibliyini bildirib. Azərbaycanda söz və mətbuat, həmçinin insan haqqlarının pozulduğunu vurğulayan R.Rəfiyeva, ölkənin məhz 15 iyun 1993-cü ildən sonra hər sahədə acınacaqlı duruma düşdüyünü diqqətə çatdırıb. O, həmçinin Avropada yaşayan mühacirlərin təşkilatlanmasının vacibliyinə də diqqət çəkib.

Siyasi fəal Zakir Ağayev də çıxışında Heydər Əliyevin və varisi İlham Əliyevin hakimiyyəti dönəmində ölkənin ağır duruma salındığını diqqətə çatdırıb. O, qeyd edib ki, ölkədəki quldur rejim xalqın bir çox fəlakətlərinə əsas səbəbkardır. Torpaqlarımızın H.Əliyevin hakimiyyəti dönəmində Ermənistan tərəfindən işğalından söz açan Z.Ağayev, ölkədəki hazırkı ağır siyasi və iqtisadi durumda da İ.Əliyevi ittiham edib.

Digər siyasi fəallar və mühacirlər Ülkər Məmmədova, Mənzərə Xəlilova, Mahir Əliyev, Qaçay Piriyev, Elçin Əskərov, Ələmdar Bunyadov və digərləri ardıcıl çıxış edərək, 15 İyunu bayram və qurtuluş günü kimi qeyd etməyi yanlışlıq hesab etdilər. Sonda aksiya iştirakçıları qətnaməni imzalayıb səfirliyə təqdim etdilər.

Xeberinfo.de aksiyanın qətnaməsini Azərbaycan və alman dillərində təqdim edir:

və saxta qurtuluş yanlış olaraq bayram və qurtuluş ölkədəki ağır vəziyyətin

“Azərbaycanlı mühacirlər tərəfindən 15 iyun – Milli Qurtuluş Gününə etiraz olaraq, Azərbaycanın Berlindəki səfirliyi qarşısında təşkil edilmiş aksiyanın QƏTNAMƏSİ

15 iyun 1993-cü ildə Heydər Əliyev Azərbaycan Respublikasının Milli Məclisinə sədr seçilib. O, dövrün siyasi vəziyyətindən yararlanaraq, özünü xilaskar kimi təqdim etməklə, 1997-ci ildə adını əbədiləşdirmək məqsədilə Parlamentin, 15 iyunun – Milli Qurtuluş Günü və rəsmi dövlət bayramı olması haqqında, qərar verməsinə nail olub. Uzun illər sovet hakimiyyətinin KQB sistemində, Kommunist Partiyası sıralarında və SSRİ-nin rəhbər sturukturlarında işləyən H.Əliyev qazandığı təcrübə hesabına, siyasi vəziyyəti böyük ustalıqla öz xeyrinə dəyişə bilmişdir. Xalqın etimadından sui-istifadə edərək, hakimiyyəti mənimsəmiş, bütün siyasi rəqiblərini həbs, işgəncə və bu kimi yollarla sıradan çıxarmış və sonra oğlu İlham Əliyevə ötürmüşdür.

H.Əliyev Azərbaycan xalqına və dövlətinə xəyanət etmiş, Konstitusiyanı pozaraq, sülalə hakimiyyətinin əsasını qoymuşdur. Bu gün ölkədə rüşvətin, korrupsiyanın, yerlibazlığın və bu kimi dövləti cinayətlərin yayılması məhz Heydər Əliyevin adı ilə bağlıdır. O, ikinci dəfə Azərbaycanda iqtidara gəlməklə və bu halı Milli Qurtuluş kimi təqdim etməklə, Azərbaycanın milli maraqlarını arxa plana keçirmiş oldu. Saxta Qurtuluş Günü Azərbaycan xalqının səfil və rəzil günə düşməsinin başlanğıcıdır.

Biz mühacirətdə yaşayan azərbaycanlılar bu Gündən imtina edirik və bütün xalqı bu gündən imtina etməyə səsləyirik. 18 Oktyabr - Azərbaycanın Müstəqillik Günü sadə iş günü olduğu halda, Milli Məclis sədrinin seçildiyi gün, niyə rəsmi dövlət bayramı kimi qeyd edilməlidir? Ömrünün 70 ilini Azərbaycan xalqının ziyalısını, mütəfəkkirini sürgünə göndərən, qətl edən Kommunist Partiyasına xidmət edən Heydər Əliyev, bir günün içində azərbaycanlıların xilaskarına necə çevrilə bilər? 15 iyunda Əliyev xalqı kimdən xilas etdi ki, bu günün adını da Milli Qurtuluş qoydu?! Saxta qurtuluşa, yalançı inkişafa yox deyirik. Biz ölkəmizi belə saxta bayramlardan, saxta inkişaflardan azad etmək istəyirik və mütləq azad edəcəyik.

Əliyev rejiminə səslənirik, Azərbaycan xalqını bundan artıq aşağılamayın, dövləti bundan fazla talan etməyin. İnsanları məhdudiyyət, qorxu, həbs və ölümlə idarə edə bilməyəcəksiz. Baxın, diktator rejimlərin sonu çoox faciəli olur. Mütləq, bu faciəni siz də yaşayacaqsız. Ölkədə yaratdığınız özbaşınalıq, talançılıq, əxlaqsızlığın kəndiri sizin öz boynunuza dolanıb, bunlar çoxaldıqca intihar kəndiriniz də daralır. Bu gün övladına bir tikə çörək apara bilməyən atanın intihar səbəbi sizin harınlığınızdır, saxta qurtuluşun yaratdığı faciədir. Günahsız məhbusların ahı, gecələri aclıqdan qarınlarına daş bağlayan vətəndaşların fəryadı, canını qoruya bilmədiyiniz, qanını torpaqlarımızla birlikdə düşmənə peşkəş etdiyiniz şəhidlərimizin ruhları sizin kabusunuz olacaqlar. Xalq Heydər Əliyevin heykəllərini aşırtmadan, hökuməti xalqa qaytarın.

Azərbaycanı düşmən qarşısında təslimçi və zəlil hala salmısınız. Bu vaxta qədər öyündüyünüz sabitlik də daha yoxdur. Bakının mərkəzində, hamının gözü qarşısında hansısa harın odlu silahla bir neçə nəfəri qətlə yetirir və heç nə olmamış kimi gedirsə, vətəndaş əmlakının, canının güvəndə olmadığı qorxusuyla yaşayırsa, siz hansı sabitlikdən danışırsız? Budurmu, qurtuluş, budurmu Heydər Əliyevin xilas və inkişaf yolu?!

Saxta Qurtuluşa son, diktatora istefa! Bu, bizim şuarımız olacaq, siz qana bulaşmış əlinizi bu xalqdan çəkənə qədər, bu şuarla bütün Avropada sizi rüsvay edəcəyik.

Rədd olsun diktaror Əliyev! Rədd olsun saxta Qurtuluş! Rədd olsun qəsbkar və cinayətkar hakimiyyət!

ERKLÄRUNG

von der Kundgebung vor der Botschaft der Republik Aserbaidschan in Berlin als Protest gegen den Tag der Nationalen Erlösung - 15. Juni, die von den aserbaidschanischen Flüchtlingen organisiert wurde

Am 15. Juni 1993 wurde Heydar Aliyev zum Vorsitzenden des Milli Majlis (Parlament) der Republik Aserbaidschan gewählt. Er nutzte die politische Situation jener Epoche aus, um sich als Retter zu präsentieren, und erlangte im Jahre 1997 die Entscheidung des Parlaments, den 15. Juni als einen Tag der Nationalen Erlösung und als den offiziellen Feiertag festzulegen, um seinen Namen verewigen zu lassen. H. Aliyev, der lange Jahre im KGB-System (in der Staatssicherheit) der Sowjetmacht, in den Reihen der Kommunistischen Partei und in der Amtsführung der UdSSR tätig war, konnte aufgrund seiner erworbenen Berufserfahrung die politische Situation mit der großen Geschicklichkeit zu seinen Gunsten ändern. Er missbrauchte das Vertrauen des Volkes, hat die Regierung an sich gerissen, übergab alle seine politischen Gegner der Verhaftung, Folter und dergleichen und leitete sie dann an seinen Sohn Ilham Aliyev weiter.

H. Aliyev hat das Volk und den Staat Aserbaidschan verraten, gegen die Verfassung verstoßen und den Grundstein für die Dynastie gelegt. Heute ist die Verbreitung von Bestechung, Korruption, Vetternwirtschaft und ähnlichen staatlichen Straftaten im Land genau mit dem Namen von Heydar Aliyev verbunden. Er schob die nationalen Interessen in Aserbaidschan in den Hintergrund, indem er zum zweiten Mal an die Macht in Aserbaidschan kam und es als Nationale Erlösung präsentierte. Der Tag der betrügerischen Nationalen Erlösung des aserbaidschanischen Volkes ist der Beginn seines elenden und armseligen Lebens.

Wir, die im Exil lebenden Aserbaidschaner, lehnen diesen Tag ab und rufen das ganze Volk dazu auf, diesen Tag auch nicht anzuerkennen. Der 18. Oktober - der Tag der Unabhängigkeit von Aserbaidschan - wird als normaler Arbeitstag festgelegt, warum wird der Tag der Auswahl des Vorsitzenden des Milli Majlis als offizieller Staatlicher Feiertag gefeiert? Wie kann Heydar Aliyev, der 70 Jahre seines Lebens der Kommunistischen Partei diente, der Partei, die die Intellektuellen und Denker des aserbaidschanischen Volkes ins Exil schickte und ermordete, innerhalb eines Tages in den Retter der Aserbaidschaner verwandeln? Von wem hat er das Volk am 15. Juni erlöst? Warum wurde dieser Tag als Nationale Erlösung genannt? Wir sagen Nein der falschen Erlösung und der betrügerischen Entwicklung. Wir wollen unser Land von solchen betrügerischen Feiertagen, von falscher Entwicklung befreien, wir werden es unbedingt befreien.

Wir appellieren an das Aliyev's Regime, die Menschen in Aserbaidschan nicht mehr zu demütigen und den Staat nicht auszuplündern. Sie werden nicht mehr in der Lage sein, die Menschen mit Einschränkungen, Angst, Verhaftung und Tod zu kontrollieren. Schauen Sie mal, das Ende aller diktatorischen Regimes bleiben eine Tragödie. Natürlich werden Sie diese Tragödie auch erleben. Die Willkür, die Plünderung und die unmoralische Verhaltensweise, die Sie im Land geschaffen haben, sind mit Ihrem eigenen Nacken behaftet, und wenn sich das vermehrt, schrumpfen auch Ihre Selbstmordattacken.

Die Selbstmordursache für den Vater, der es sich heute nicht leisten kann, ein Stück Brot zu kaufen, ist die Unzufriedenheit, eine katastrophale Tragödie, die durch falsche Erlösung verursacht wird. Die Seelen unschuldiger Gefangener, die Schreie der Hungerstreikenden, deren Bäuche vor Hunger nachts versteinert sind, die Schreie der Bürger, die Seelen der Märtyrer, die wir nicht schafften, ihr Leben zu schützen, deren Blut zusammen mit unseren Gebieten dem Feind übergeben wurde, werden Ihr Albtraum sein. Geben Sie die Macht dem Volk zurück, ohne das Volk die Denkmäler von Heydar Aliyev zu stürzen.

Sie haben Aserbaidschan vor dem Feind als Elend und als Verlierer dargestellt. Es gibt immer noch keine Stabilität, mit der Sie sich rühmen können. Von welcher Stabilität reden Sie, wenn im Stadtzentrum von Baku vor den Augen aller Menschen eine Person mit einer Schusswaffe einige Personen umbringt und sich dann ganz ruhig vom Tatort entfernt, wenn der Staatsbürger mit der Angst um Verlust seines Eigentums, sein Leben in der fehlenden Sicherheit lebt? Ist das die Erlösung, ist es der Weg der Erlösung und Entwicklung von Heydar Aliyev ?!

Ende der betrügerischen Erlösung, Forderung für den Rücktritt des Diktators! Dies wird unsere Parole und Forderung sein, und wir werden sie mit solchen Parolen in ganz Europa blamieren lassen, bis Sie ihre blutverschmierten Hände von diesem Volk ablassen. Hau ab Diktator Aliyev! Weg mit der gefälschten Erlösung! Hau ab die grausame und kriminelle Regierung!“

Saxta qurtulush 1saxta qurtulush 2saxta qurtulush 3saxta qurtulush 4saxta qurtulush 5saxta qurtulush 6

Şənbə, 15 İyun 2019 00:39

Jurnalist 4 ay həbs olundu

Yazan

Polad Aslanov haqında 4 ay həbs qətimkan tədbiri seçilib. Bu barədə onun həyat yoldaşı məlumat verib: "Dostlar, Səbail rayon məhkəməsində (14iyun) Polad Aslanovun məhkəmə prosesi keçirildi. Məhkəmə qapalı keçirildi. Polad Aslanova 4ay həbs qətimkan tədbiri seçildi. Polad Aslanov özünü təqsirli bilməyib, ona qarşı irəli sürülən ittihamın şərr-böhtan olduğunu, həbsinin jurnalist fəaliyyəti ilə bağlı olduğunu bildirib. Belə ki, Polad Aslanov hazırda onu həbs edən DTX-nin əməkdaşlarının Məşəd və Kərbəla ziyarətinə gedən hər bir zəvvara görə Sərhəd Keçid Məntəqəsində şirkət rəhbərlərindən rüşvət alması ilə bağlı yazılar yazırdı. Biz ailəsi olaraq Poladın həbsinin yazılarıyla bağlı olduğunu düşünürük".

Dövlət Təhlükəsizliyi Xidmətində aparılan istintaq-əməliyyat tədbirləri nəticəsində 1989-cu il təvəllüdlü, Azərbaycan Respublikasının vətəndaşı, “xeberman.com” və “press-az.com” informasiya saytlarının təsisçisi və baş redaktoru Aslanov Polad İsrayıl oğlu dövlətə xəyanət cinayət əməllərinə görə şübhəli şəxs qismində saxlanılıb.

Dövlət Təhlükəsizliyi Xidmətindən verilən məlumata görə, müəyyən edilib ki, Polad Aslanov xarici xüsusi xidmət orqanlarının əməkdaşları ilə respublikadan kənarda məxfi görüşlər keçirib, aldığı pul vəsaitinə dair qəbzləri imzalayıb müntəzəm pul vəsaitləri ödənilməsi şərti ilə maddi maraq müqabilində məxfi əməkdaşlığa cəlb edilib.

O, xarici xüsusi xidmət orqanlarının əməkdaşlarından aldığı tapşırıqlar əsasında Azərbaycan Respublikasının dövlət təhlükəsizliyi və müdafiə qabiliyyəti zərərinə olaraq istifadə etmək üçün topladığı məlumatları həmin orqanlara ötürüb, onların tapşırığı ilə mətbuatda, sosial şəbəkələrdə dövlət əleyhinə, hüquq mühafizə orqanlarının qanuni fəaliyyətini nüfuzdan salmağa yönələn yazılar yayımlaması razılaşdırılıb.

Polad Aslanov adları istintaq sirri kimi hazırda açıqlanmayan jurnalistləri gələcək əməkdaşlıq imkanları üzrə xarici ölkə ərazisində həmin xüsusi xidmət orqanı əməkdaşları ilə tanış edib.

İstintaq zamanı Polad Aslanovun Azərbaycan Respublikasının dövlət təhlükəsizliyi maraqlarına zidd olaraq xarici xüsusi xidmət orqanı nümayəndələri ilə əməkdaşlığına dair çoxsaylı materiallar əldə edilib, Polad Aslanov törətdiyi cinayət əməlləri barədə ətraflı məlumatlar verib.

Polad Aslanov Azərbaycan Respublikası Cinayət Məcəlləsinin 274-cü (dövlətə xəyanət) maddəsi ilə məsuliyyətə cəlb edilib. Hazırda istintaq-əməliyyat tədbirləri davam etdirili

2 -dən səhifə 220