Bazar ertəsi, 29 Fevral 2016 00:22

İraqda növbəti terror: 70 ölü, 100 yaralı

Yazan

İraqın paytaxtı Bağdadın şərqində törədilən iki terror aktı nəticəsində 70 nəfər ölüb, 100-dən çox insan yaralanıb. Bu barədə "Reuters" ölü və yaralıların yerləşdirildiyi paytaxt xəstəxanalarının əməkdaşlarına və polisə istinadən məlumat yayıb.

Məlumata görə, hər iki partlayış şiələrin məskunlaşdığı Mədinət-əs-Sədr məhəlləsində baş verib.
Bəzi məlumatlara görə, əvvəlcə bomba partlayıb, bir neçə dəqiqədən sonra isə terrorçu-kamikadze kütlənin içərisində ikinci partlayışı törədib. Digər məlumatlara görə isə, terror aktlarını iki kamikadze törədib.
Partlayışlara görə məsuliyyəti İŞİD öz üzərinə götürüb.

Türkiyə prezidenti Rəcəb Tayyib Ərdoğan tanınmış jurnalistlər Can Dündar və Ermen Gülün həbsdən azad edilməsi haqda məhkəmə qərarını qəbul etmədiyini deyib. Modern.az saytı Türkiyə mediasına istinadən xəbər verir ki, prezidentin məhkəmənin qərarına hörmət etməməsi parlamentdə davaya səbəb olub.

Türkiyə Böyük Millət Məclisinin (TBMM) bu gün keçirilən iclasında CHP-dən olan deputatlar Ərdoğana etiraz ediblər.
Müxalifət təmsilçilərinin sərt çıxışna hakim AKP-nin cavabı gecikməyib.
Deputatların söz dueli sonda əlbəyaxa davaya çevrilib. CHP-li Barış Yarkadaş ile AKP təmsilçisi Mehmet Metinerin davasına deputat həmkarları müdaxilə edib.

Almaniyada mühacir həyatı yaşayan ictimai-siyasi fəal Rəmzi Balayev Xeber.İnfo-a danışıb. Həmin müsahibəni təqdim edirik:

Rəmzi Balayev: Ən yaxşı çıxış yolu sahibkarlığın inkişafıdır
Rəmzi bəy, son günlər hökumət sahibkarlığın inkişafı ilə bağlı intensiv təbliğat aparır. Hətta ünvansız olaraq məmurlar da tənqid edilir. Bu təbliğat nədən qaynaqlanır?
- Məlum devalvasiya prosesləri belə bir sıçrayışa səbəb olub. Bu illər ərzində ölkə iqtisadiyyatı addım-addım iflasa uğradılıb. İstehsal sahələri iflic edilib. Məmurlar isə biznes və şəxsi maraqlar çərçivəsindən çıxa bilməyiblər. Neftin pulları eninə-uzununa israfçılıqla xərclənib. Neftin kəskin şəkildə ucuzlaşması yaranmış prosesi qaçılmaz etdi. Bu günə qədər sahibkarlıq zəiflədilir və sahibkarlara qarşı amansız təzyiqlər var idi. Elə indi də belə təzyiqlərin olmadığını heç kim iddia edə biməz. Qanundan kənar pul yığımı, rüşvət və vergi cərimələri sahibkarları çətin duruma salmışdı. Xaricə getmək imkanı olan sahibkarlar müvafiq ölkələrə getdilər. Ölkədə qalanlar isə bütün şərtlərlə razılaşmalı oldular. Bir il əvvələ qədər hökumətin müxtəlif qanadları orta və xırda sahibkarlığı demək olar ki, tam sıradan çıxartmışdı. İri sahibkarlıq isə hökumət ayrı-ayrı şəxslərinin əlindədir. İndi isə ölkənin iqtisadi durumu göz önündərdir. Ən yaxşı çıxış yolu sahibkarlığın inkişafıdır. Ona görə də bu sahədə təbliğat aparılır. Lakin təbliğatın müsbət nəticə verəcəyini demək olmaz. Çünki hökumətə qarşı inamsızlıq var. Digər tərəfdən bu günə qədər hökumət bütün hesabatını yalan üstündə qururdusa, bu təbliğatı da məhz yalanla həyata keçirməyə cəhd edir. İqtisadiyyat elə bir sahədir ki, onun haqqında danışmaq ən sonda lazımdır. Yəni konkret işlər görülməlidir. Bunlar isə sonda görülməli işləri əvvələ salırlar. Bir dənə də olsun iş yeri açılmırsa belə təbliğatlar əksinə daha da pis nəticələr verəcək.

Hər ilin yekununda ölkə iqtisadiyyatının bir neçə dəfə inkişaf etməsi barədə bərbəzəkli hesabatlar səslənirdi. Hökumətin indiki çabası bu hesabatları sual altına salmırmı?
- Hamının bildiyi bir həqiqəti heç kim deyə bilmirsə bu, əsl faciədir. Biz uzun illərdir bildiyimiz həqiqəti deyə bilmirik. Bu vaxta qədər səsləndirilən hesabatdakı rəqəmlərin yanlışlığını, o rəqəmləri yazandan tutmuş dinləyənə qədər hamı bilirdir. Həmin şişirdilmiş rəqəmlər kimlərəsə milyonlar qazandırırdı. İnkişaf etmiş Yaponiya ilə paralellik aparsaq, çox gülünc mənzərə ortaya çıxır. 2014-cü ildə Yaponiya iqtisadiyyatı 2-3 faiz inkişaf etdiyi halda bizim iqtisadiyyatımız 6-7 dəfə artmışdı. Orta məktəb təhsili olan şəxs də başa düşər ki, bu boyda fərq necə yarana bilər? Həm də biz Azərbaycandan uzaqda yaşamırıq axı. Vətəndaş ölkədə baş verən inkişafı hiss etmirsə, o barədə necə danışmaq olar? Azərbaycan vətəndaşı çox aşağı səviyyədə yaşayır. Sorğu keçirin, ötən il ölkə əhalisinin neçə faizi istirahətə gedib? Nəinki istirahət, əhalinin böyük əksəriyyəti doğmalarına baş çəkmək üçün maddi dudruma sahib deyil. Əslində hesabatları tam yalanlamaq düzgün olmaz. Amma bu inkişaf fərd olaraq məmurlara aiddir. Dövlət iqtisadiyyatına və ölkə vətəndaşının rifahına qəti dəxli yoxdur.

İqtisadiyyatın təməl prinsipi istehsalatdır. Bizdə isə istehsalat yox səviyyəsindədir. Bu barədə nə deyə bilərsiniz?
- Azərbaycanda istehsalat sahəsi başqa sahələr kimi hər kəsə məlumdu. Demək olar ki, qida məhsullarından tutmuş, geyim, tikinti, hətta kənd təsərrüfatı məhsullarına qədər hər şey idxal olunur. İdxal səviyyəsinin 95-98 faizə çatdığı qənaətindəyəm. Hətta yumurta kartonları da idxal olunur. Bu, ölkə iqtisadiyyatının yoxluğu deməkdir, nəinki zəifliyi. Bu sahədə digər ölkələrin təcrübəsinə baxsaq görərik ki, həmin ölkələr çox çətinliklə istehsal sahələrinə sahib olublar. Amma bizdə heç bir asılılıq olmadan istehsalı qaldırmaq olar. Çünki bunun üçün ölkəmizin bütün imkanları var. Allah heç bir şeyi bizdən əsirgəməyib. Hökumət ölkə vətəndaşı üçün çətinlik yaratmasa, əhali bu sahədə çox ciddi uğur əldə edə bilər. Bir az əvvəl dediyim ki, qanunsuz müdaxilələr, rüşvət tələbi və vergi cərimələri filan, üstəgəl monopoliya ciddi problemlər yaratmaqla yanaşı, həm də vətəndaşlarda qorxu sindromu yaradıb. Ölkədə istehsalatın olmaması iqtisadiyyatı ciddi risk altına salır. Bu mənada iqtisadiyyatımız çətin duruma düşüb və belə davam edərsə daha da dəhşətli nəticələrlə üzləşə bilərik.
Xeber.İnfo,
Mövlud Abdulov 

Türkiyə prezidenti Rəcəb Tayyib Ərdoğan Ankarada fevralın 17-də törədilmiş terror aktından sonra ilk dəfə xarici səfərə çıxıb.

Ərdoğan Afrika qitəsinə yola düşüb. Onun səfəri uzaq Fil Dişi sahilindən başlayacaq. Daha sonra Türkiyə prezidenti Qanaya keçəcək. Oradan isə səfər Nigeriya və Qvineyada davam edəcək. Ərdoğan Türkiyəyə martın 3-də dönəcək.
Səfərə yola düşərkən Ankara hava limanında keçirdiyi brifinqdə Ərdoğan jurnalistlərin suallarına cavab verib. Konstitusiya Məhkəməsinin Suriyaya silah daşıyan TIR-lar barədə yazdıqları xəbərə görə casusluq və xəyanət ittihamı ilə həbs edilmiş “Cümhuriyyət” qəzeti jurnalistlərinin azadlığa buraxılması haqda verdiyi qərara “hörmət etmədiyini, ancaq səssiz qalmağa üstünlük verdiyini” bildirib. Ərdoğan israr edib ki, bu jurnalistlər ifadə azadlığına görə deyil, “casusluq olayına görə” həbs edilmişdi. Çünki dövlətin Suriya türkmənlərinə göndərdiyi yardımları deşifrə etmişdi.
Ərdoğan türkmənlərə gedən yardımları dayandıranlara yardım edən jurnalistlərin azadlığa çıxmasına qərar verilməsini anlamadığını deyib:“Küsura baxmasınlar, mən bu qədər rahat deyiləm. Bilirsiniz, mən yola çıxıram, ortalıq qarışa bilər”.
Türkiyə prezidentinin “ortalıq qarışa bilər” deyərkən nəyi nəzərdə tutduğu məlum olmayıb.
Qeyd edək ki, Ərdoğan fevralın 18-də Türkiyə-Azərbaycan Strateji Tərəfdaşlıq Yüksək Şurasının iclasında iştirak etmək üçün Gəncəyə səfər etməliydi. Azərbaycan prezidenti İlham Əliyev də həmin ərəfədə Gəncəyə getdi, lakin qatı duman üzündən iclası Bakıya təyin etmək qərara alındı. Ardınca isə Ankara terroru səbəbindən Ərdoğan səfərini ümumiyyətlə təxirə salmalı oldu. Türkiyəninn Bakıdakı səfiri bu səfərin“ən qısa zamanda həyata keçiriləcəyini” açıqlayıb.

İstintaqa cəlb olunan çovdarovçular sahibkarlardan rüşvət alınmasını müəmmalı şəkildə ölmüş Azər Əliyevin adına çıxırlar; müstəntiqlər təkzibolunmaz faktlar toplamaqda çətinlik çəkir; Mahmudovun çetesinə daxil olan bir neçə şəxs bu üzdən həbsdən kənarda qala bilib, amma...

“MTN işi”ndə istintaqın uzanması, Eldar Mahmudovun, onun kassiri hesab edilən Akif Çovdarovun yaxın ətrafına daxil olan bir çox sabiq MTN-çilərin həbsdən kənar qalmalarının bəzi detalları haqda məlumat almışıq.

Hazırda “MTN işi” üzrə 5-i general olmaqla, ümumilikdə 21 sabiq MTN əməkdaşı barəsində qətimkan tədbiri seçilib. 1 şəxs isə axtarışa verilib. 
Sabiq MTN-çilərdən biri, uzun illər qurumun Əməliyyat-Texniki İdarəsinin rəisi olmuş general Natəvan Mürvətova hazırda ev dustaqlığındadır. MTN-dəki məlum 17 oktyabr əməliyyatından sonra belə xəbərlər vardı ki, Eldar Mahmudovun quruma gətirdiyi və özünün maddi maraqlarının təmin olunmasında iştirak edən bütün şəxslər istintaqa cəlb olunacaq. Sonradan isə istintaq 21 nəfərin həbsi ilə məhdudlaşdırıldı.

Bununla belə, istintaqçılar Eldar Mahmudovun komandasına daxil olan MTN-çilərin işi üzrə araşdırmaları davam etdirirlər. Sahibkarların şikayətlərinin əsaslı sübutlarla və dəlillərlə bərkidilməsi üçün faktlar toplayırlar. İstintaq işindən anlayışı olanlar bilir ki, ittihamın dayanıqlı olması üçün ən vacib şərt təkzibedilməz faktların ortaya qoyulmasıdır. Bu isə elə də asan iş deyil. Məsələni qəlizləşdirən məqam isə ittiham elan olunacaq şəxslərin istintaq işinə bələd olmaları, əməliyyat-axtarış fəaliyyətinin incəliklərini bilmələridir. Bu isə istintaqçıların işini bir qədər də çətinləşdirir.
Üstəlik, Akif Çovdarovun da istintaqa 17 oktyabrda baş tutan əməliyyatdan dərhal sonra deyil, xeyli sonra cəlb edilməsi ona ətrafına təlimatlar vermək imkanı qazandırıb.
İstintaqa cəlb olunan MTN-çilərdən konkret şikayətçilər olsa da, həmin şəxslərin quru ifadələrindən başqa tutarlı faktlar ortada yoxdur. Odur ki, sorğu-suala çəkilən sabiq MTN-çilər intihar edən sabiq iş yoldaşlarının adını çəkməklə özlərini istintaqdan kənar qoymaq istəyirlər.
İstintaqda adı hallandırılan mərhum MTN-çi isə 1975-ci il təvəllüdlü Azər Namiq oğlu Əliyevdir. A.Əliyev Akif Çovdarovun idarəsindəki çoxsaylı şöbələrdən birində çalışıb. Gələn məlumatlar onu deməyə əsas verir ki, A.Çovdarovun idarəsi MTN-in ən böyük idarəsi olub. Rüşvət toplanması da əsasən həmin idarə üzərindən gerçəkləşdirilib. Polkovnik A.Əliyev isə müəmmalı şəkildə binadan yıxılıb ölənə qədər A.Çovdarovun idarəsindəki apteklərə nəzarət edən şöbədə yüksək vəzifə tutub.
O, 2015-ci il aprelin əvvəlində Nərimanov rayonu, Həsənoğlu küçəsi 16 saylı binanın 7-ci mərtəbəsindən yıxılaraq ölüb. A.Əliyevin ölüm işi ilə bağlı Nərimanov Rayon Prokurorluğunda özünü öldürmə həddinə çatdırma maddəsi ilə cinayət işi başlansa da, sonradan cinayət tərkibi tapılmadığına görə işə xitam verilib.
E.Mahmudovun çetesi ifşa olunandan sonra çoxsaylı sahibkarlar istintaq orqanlarına üz tutublar. Onlardan bir çoxu A.Çovdarovun idarəsinə aparılaraq orada Əli adlı şəxs tərəfindən dindirildiklərini, işgəncələrə məruz qaldıqlarını deyiblər. Bildiriblər ki, onlardan rüşvət alan da həmin Əli adlı şəxs olub.
Bu epizod üzrə istintaqa cəlb olunan, sorğu-suala tutulan MTN əməkdaşları sırasında Akif Çovdarovun idarəsində insan alveri şöbəsində çalışan Alı Nəbiyev və miqrasiya nəzarəti şöbəsində çalışan Elxan Məmmədov da var. Şikayətçilərlə üzləşmə zamanı sabiq MTN-çilər bir qayda olaraq onların şöbəsində rüşvətin Azər Əliyev tərəfindən toplandığını deyirlər. Alı Nəbiyevin əvvəllər sahibkarlarla ünsiyyəti zamanı onlara özünü Əli kimi təqdim etdiyi ehtimalı da araşdırılır.
Bu məlumatlar onu deməyə əsas verir ki, A.Çovdarovun yaxın əhatəsinə daxil olan şəxslər rüşvətqopartma əməliyyatları zamanı özlərinin adlarını, vəzifələrini də qurbanlarına səhv deyiblər. Gec-tez əməllərinin üstünün açılacağını göz altına alıblar.
Bununla belə, rüşvətqopartma əməliyyatları zamanı sahibkarlardan alınan pulların bölgüsünün hansı qaydada olması da aydınlaşıb. İstintaqa məlum olub ki, ən müxtəlif ittihamlarla MTN-ə aparılan sahibkarlardan alınan pulların 50 faizi sabiq nazirin özünə, yerdə qalan 50 faiz isə idarə, şöbə rəisi, istintaqçılar, əməliyyatçılar arasında bölünüb. Bölgü zamanı ən az məbləğ isə əməliyyatçılara çatıb.
Bu gün Eldar Mahmudovdan başqa MTN-in aparatının rəhbəri general Fərhad Vahabov, İstintaq Baş İdarəsinin rəisi, general Mövlan Şıxəliyev, Eldar Mahmudovun müavini Hilal Əsədov barəsində hər hansı bir qətimkan tədbiri yoxdur. M.Şıxəliyev Novxanıdakı villasında, Hilal Əsədov isə Bakının mərkəzindəki mənzilində yaşayır, sərbəst hərəkət edirlər. Mərhum prezident Əbülfəz Elçibəyin həbs işində onun əleyhinə ifadə vermiş iki şəxsdən biri olmuş Fərhad Vahabova gəldikdə isə onun harada olması haqda məlumat yoxdur.

İranda parlament seçkilərinin yenilənmiş nəticələrinə əsasən 30 lider namizədin hamısı islahatçıdır.

Virtualaz.org İran KİV-lərinə istinadən bildirir ki, seçkilərlə əlaqədar yaradılmış xüsusi qərargahın məlumatına görə, indiyədək 2,63 milyon səs hesablanıb.
Birinci yerdə 1,287 milyon səslə sabiq vitse-prezident Məhəmməd Rəza Arifdir. İkinci yerin sahibi isə 1,115 səslə Əli Mötəharidir.
Qeyd edək ki, İranda parlament seçkilərində 290 yer uğrunda 5 minə yaxın namizəd mübarizə aparır. Parlamentin səlahiyyət müddəti dörd il təşkil edir.
Xobreqan Ekspertlər Şurası seçkilərində isə Tehranda sabiq prezident Əli Əkbər Haşimi Rəfsəncani ən çox səs toplamaqla birinci, hazırkı prezidentHəsən Ruhani ikinci yerdədir.
Xobreqan Ekspertlər Şurası seçkilərində diqqət çəkən məqamlardan biri də hökuməti tənqid edən nüfuzlu ruhanilərdən olan Ayətullah Misbah Yəzdinin səs toplaya bilməməsidir.
Onu da qeydedək ki, hələlik İranın Daxili İşlər Nazirliyi seçkilərin tam nəticəsi və əhalinin seçkilərdə iştirak sayını açıqlamayıb.

Xəbər verdiyimiz kimi, dünən Xalq artisti İlhamə Quliyeva ilə vida mərasimində mədəniyyət və turizm naziri Əbülfəs Qarayevin çıxışı qalmaqala səbəb olub. Onun “İlhamə Quliyevanı da şəhidlərin sırasına qatıram" deməsi cəmiyyətdə narazılığa səbəb olub.
Nazirlik bununla bağlı rəsmi açıqlama yayıb və bəzi kütləvi informasiya vasitələrinin sensasiya naminə nazir tərəfindən səsləndirilən fikirlərin ümumi kontekstdən çıxarıldığını və başqa mənaya yönəldildiyini bildirib. 

 

"Təəssüf ki, Rusiyanın Ermənistana silah-sursat verməsi birinci hal deyil".

Bunu Milli Məclis sədrinin birinci müavini Ziyafət Əsgərov Rusiyanın Ermənistana 200 milyon dollar dəyərində silah-sursat verməsi faktına münasibət bildirərkən deyib.

Z. Əsgərov bildirib ki, Rusiyanın bu addımı Ermənistanla Azərbaycan arasında

gərgin olan vəziyyəti daha da gərginləşdirir: "Biz Xarici İşlər Nazirliyinin notasına cavab olaraq Rusiyanın bu barədə Azərbaycana obyektiv məlumat verməsini gözləyirik. Hər halda Ermənistanın indiki vəziyyətdə silahlandırılması və bundan əvvəl də Ermənistana Rusiya tərəfindən silah verilməsi Azərbaycanı narahat edir. Biz bunu düzgün addım hesab etmirik. İşğalçı dövlət olan Ermənistanın silahlandırılması vəziyyəti daha da gərginləşdirir".

Prezident İlham Əliyev İtaliya Respublikası Nazirlər Şurasının dövlət katibi Klaudio De Vinçentinin başçılıq etdiyi nümayəndə heyətini qəbul edib.

“Cənub Qaz Dəhlizi” Məşvərət Şurasının Bakıda keçiriləcək ikinci iclasının səmərəli olacağına və yaxşı nəticələr verəcəyinə ümidvar olduğunu bildirən dövlət başçısı İtaliya Respublikası Nazirlər Şurasının dövlət katibi Klaudio De Vinçentinin başçılıq etdiyi nümayəndə heyətinin tədbirdə iştirakının önəmini qeyd edib.
İtaliya Respublikası Nazirlər Şurasının dövlət katibi Klaudio De Vinçenti “Cənub Qaz Dəhlizi” Məşvərət Şurasının Bakıda keçirilən ikinci iclasında iştirakından məmnun olduğunu deyib. O, İtaliya Respublikasının baş naziri Matteo Renzinin prezident İlham Əliyevlə ötənilki görüşünü məmnunluqla xatırlayaraq baş nazirin salamlarını və xoş arzularını dövlət başçısına çatdırıb. Qonaq “Cənub Qaz Dəhlizi” layihəsinin həm İtaliya, həm də Avropa İttifaqı üçün strateji əhəmiyyət daşıdığını vurğulayıb. Ölkəsinin bütövlükdə bu layihəyə, xüsusilə Trans-Adriatik boru kəmərinin çəkilişinə böyük dəstək verdiyini və İtaliya hökumətinin bu istiqamətdə lazımi addımları atacağını deyən Klaudio De Vinçenti layihənin enerji təchizatı və nəqlinin şaxələndirilməsi baxımından da vacib olduğunu qeyd edib.
Görüşdə ölkələrimiz arasında mədəni sahədə əməkdaşlıq əlaqələrinin yüksək səviyyədə olduğu bildirilib, bu istiqamətdə Azərbaycanın birinci xanımı Mehriban Əliyevanın gördüyü işlərin əhəmiyyəti xüsusi qeyd olunub. Söhbət zamanı Azərbaycan ilə İtaliya arasında enerji sahəsində əməkdaşlıq, “Cənub Qaz Dəhlizi” layihəsinin icrası ilə bağlı həyata keçirilən işlər və qarşıda duran məsələlər ətrafında fikir mübadiləsi aparılıb.
Dövlət başçısı İtaliya Respublikasının baş naziri Matteo Renzinin salamlarına görə minnətdarlığını bildirib, onun da salamlarını İtaliyanın baş nazirinə çatdırmağı xahiş edib.(azertaj.az)

Vətəndaş və İnkişaf Partiyasının (VİP) sədri Əli Əliyev özünün “Facebook” səhifəsində FİFA-da çoxillik korrupsiya şəbəkəsinin dağıdılması və Azərbaycanda analoji problemə münasibətlə bağlı yazı yerləşdirib. Həmin yazını təqdim edirik: 

“Bu gün Sürixdə FİFA-nın prezidenti postuna seçkilər keçiriləcək. Uzun müddətdir “"dəhlizlərində” kriminal qalmaqallar baş verən ümümdünya təsisatı, yeni mərhələyə qədəm qoymalıdır.
FİFA öz əhatəsinə görə dünyanın ən təmsilçili qurumu sayılır. Üzvlərinin sayına görə FİFA, hətta BMT-dən geniş areala malikdir. İlk korrupsiya qalmaqalları hələ keçmiş prezident braziliyalı Joao Avelanjın dövrünə təsadüf edirdi. Avelanj və kürəkəni Rikardo Teyşeyra 24 illik idarəçilik dönəmində, müxtəlif xarakterli qanun pozuntularına cəlb olunduqları barədə məlumatlar yayılmağa başlamışdı.
Avelanjın avtoritetini və dünya düzəninin reallıqlarını nəzərə alaraq, dünya ictimai rəyi o vaxt bunu sakitcə "həzm etmişdi". Bütün ittihamlara rəğmən, Avelanj FİFA-da hakimiyyəti özünün "sağ əli" Yozef Blatterə ötürə bilmişdi.
1998-ci ildən FİFA-da yeni mərhələ başlasa da, əvvəlki korrupsiya sxemləri işləməkdə davam edirdi. Bu prosesdə son damla, Rusiya və Qətərdə keçiriləcək dünya birinciliklərinin seçimi odu. Məhz bu seçimlərdən sonra ABŞ-ın FTB-su İsveçrənin Vergi qurumları ilə birlikdə, FİFA -da baş verən dələduzluq faktların rəsmi qaydada araşdırmağa qoşuldu.
Tədqiqatın ilk hədəfi FİFA İcraiyyə komitəsinin üzvü Çarlz Bleyzer oldu. 18 000 maaş alan futbol məmurunun 6 000-lik pişikləri üçün icarələdiyi ev və maaşına adekvat olmayan həyat tərzi tədqiqatçıların nəzərindən qaçmayıb. Bleyzerin faş edilməsindən sonra , onun köməkliyi ilə daha 11 nəfər İcaraiyyə komitəsinin üzvü istintaqa və həbsə cəlb ediliblər.
Bu beynəlxalq qalmaqalın son "qurbanları" preizdent Yozef Blatter və UEFA-nın rəhbəri Mişel Platini oldu. Bu şəxslərin hər ikisi ictimai təzyiqin altında vəzifələrindən kənarlaşdırıldı və futbolla məşğul olma tabusu tətbiq edildi.
Bu gün keçirilən Sürix toplantısında seçilən prezidentin fəaliyyət müddəti 2 dördillik idarəçilik maksimumu ilə hüdudlanacaq. FİFA daxilində cərəyan edən hadisələr çox ilginc və ibrətamizdir. Detallı yazmaq imkan xaricində olsa da, gəlinən nəticələri ümumiləşdirmək istərdim:
- göründüyündə korrupsiya, YAP-çıların iddia etdiyi kimi, dünya mərəzidir, beynəlmiləldir və insan xisləti ilə bağlıdır;
- misaldan anlaşılan odur ki, korrupsiyanın olmasına rəğmən, onu güdən, izləyən və cəzalandıran institutların mövcudluğu və effektiv fəaliyyəti mühüm şərtlərdəndir;
- 24 və 17 illik Avelanj və Blatter eraları korrupsiyanın şəbəkələnməsinə səbəb olduğundan hakimiyyət ömrünün məhdud olmasının vacibliyi, futbol ictimaiyyətinə nizamnamə dəyişikliyinə qərarı zəruri edib. Yəni hüdudsuz hakimiyyət korrupsiyanı və cəzasızlığı stimullaşdırır;
-Bleyzerin nümunəsində, kiçicik bir məişət uyğunsuzluğunun hansı miqyasda korrupsiya əməllərini aça bilməsi bütün hüquq-mühafizə və fisqal orqanlar üçün parlaq nümunədir;
-beynəlxalq tədqiqatın aparılması və transmilli korrupsiya maşınının sındırılmasının ABŞ tərəfindən icra edilməsi nümunəsi də diqqət çəkəndir.
FİFA olayları bizim Dövlət üçün də nümunəvidir. Nəzərə alsaq ki, qurumun rəhbərlərindən biri sayılan Platininin AFFA rəhbərliyi ilə yaxşı münasibətlərdə olması, Azərbaycanın Avropa birinciliyinə ev sahibliyi hüququ əldə etməsi kimi faktlar mövcuddur, o zaman müəyyən suallar yaranır. Lakin belə beynəlmiləl qalmaqalda adımızın çəkilməməsi müsbət haldır.
Yaxud ictimai qaydada aşkarlanan miqyaslı yeyintilər və oğurluqlar barədə məlumatlar ətrafında tədqiqat aparılmaması, günahların ört-basdır edilməsi Azərbaycanda aidiyyatlı orqanların və yaxud hakimiyyətin susması, müəyyən şübhələrə yol açmaya bilmir. İstəməzdim ki, bizim korrupsionerlər FİFA-dakı kimi, FTB və yaxud başqa dövlətin orqanları vasitəsilə araşdırılsınlar”.
218 -dən səhifə 220