Şəkildə gördüyünüz bu əsgər Hüseynov İsmayıl İntiqam oğludur. 1995- ci il təvəllüdlü İsmayıl hərbi xidmətini başa vurduqdan sonra Müdafiə Nazirliyinin N saylı hərbi hissəsində gizir rütbəsi ilə işə başlayır. 2016- cı ilin aprel döyüşləri zamanı könüllü olaraq ərizə yazıb N saylı hərbi hissədə xidmət etmək üçün döyüş bölgəsinə gedir. 2016- cı ilin 28 iyulunda düşmən tərəfindən zəbt olunmuş torpaqlarımızda kəşfiyyatda olarkən düşmən postuna keçib bir yeşik (1400 ədəd) silah gülləsi, snayper silahı, optik nişangahı və 2 ədəd daraq 30 patronla gətirib. Rəhbərlik “vətənə belə oğullar lazımdır” deyib onu müxtəlif fərqlənmələrlə təltif edir. Amma deyir sən saydığını say, gör fələk nə sayır…

57251175 1980948055365740 1837580218332610560 n

Bu hadisədən bir müddət sonra İsmayıl işdən azad olunur. 18 may 2017- ci ildə gecə saat 3 radələrində onu Gəncədə yaşadığı evdən gəlib Tərtərə aparırlar. O, Tərtər hadisələri ilə bağlı vətənə xəyanətdə ittiham olunaraq ağır və dəhşətli işgəncələrə məruz qalır. Ona verilən işgəncələri anası belə nəql edir: “…onu ayaqlarından asıb başını su ilə dolu qablara salıblar, sonra da suyun içinə elektrik cəryanı buraxıblar, dayanmadan onu bayılana qədər döyüb ağır işgəncə veriblər, bədəninə tok veriblər. Butulka, şılanqla, lomla zorlayıblar. Kişi cinsiyyət üzvlərinə tok qoşublar. 15 nəfər avtomatı başına dayayıb məcbur edib ki, erməniyə işlədiyini boynuna alsın. Şlanlqa suyu ağzına doldurub boğurmuşlar və s.”. Yanında əsgəri öldürüb “səni də bu günə salacayıq, sənədə imza at” deyiblər. Ona ağır işgəncələr altında saxta sənədə imza atdırıb məhkəmə önünə çıxarıblar. Qapalı məhkəmədə vətənə xəyanətdə ittiham edərək 15 il müddətə azadlıqdan məhrum ediblər…

Bu yaxınlarda İsmayılın kiçik qardaşı həbsxanada 3 gün onun yanında qalıb- ailə görüşündə . Bildirir ki, qardaşı aldığı mənəvi travmanı, işgəncələri unuda bilmir və səhər qədər çabalayaraq “məni boğmayın, öldürməyin” deyə qışqırıb sayıqlayıb…

Dünən ailə üzvlərindən aldığım məlumata görə vətəni canından artıq sevdiyi halda onu “vətənə xəyanətdə” ittiham etdiklərinə, Azərbaycan məhkəmələrində ədalət tapmadığına, çağırışlarına səs verilmədiyi üçün saxlandığı 12 saylı Cəza çəkmə müəssisəsində özünə qəsd edib. Damaralarını doğrayıb. Vəziyyəti ağırdır. Hadisə yerinə DTX əməkdaşları gəlib…

Dostlar, görürsünüzmü ölkəni, ordumuzu, əsgərlərimizi nə hala salırlar? Yəqin ki, baş verən bu hadisələrdən çoxlarınız məlumatsızsınız. Gəlin susmayaq, “vətənə xəyanət” adı altında əsgər və zabitlərimizə ağır, qeyri- insani işgəncələr verilməsinə, öldürülməsinə, ömürlük şiksət edilməsinə göz yummayaq. Günahı olsa belə hər bir şəxs qanun və insan ləyaqətinin alçaldılmayan formasında mühakimə olunmalıdır. Unutmayaq ki, bu Vətən bizimdir. Onun hər qarışı və hər bir əsgəri də bizimdir…

Hüquq müdafiəçisi Oktay Güləliyev

Aprelin 11-də Prezident Adminstrasiyasının (PA) bir neçə vəzifəli şəxsi Lerik rayonundan vətəndaşlarla görüş keçirib.

Bu barədə rayon sakini Eldəniz Quliyev sosial şəbəkədə məlumat yayıb. 

E.Quliyev deyir ki, rayon rəhbərliyindən əsas şikayətçilərdən biri də özüdür, çünki faktiki onun mülkü əlindən alınıb, lakin onun görüşə gəlməsinə imkan verilməyib: "Prezident Adminstrasiyasının bir neçə vəzifəli şəxsi ilə ancaq fırıldaqçı şəxslər görüşdürülüb. Tərifnamələr deyiblər. Faktiki prezidenti aldadırlar. Mənim 54 sot torpağımı, halal mülkümü icra başçısı Rövşən Bağırov "Azərenerji"yə satıb. Mülkiyyət hüququm pozulub. Bunlar isə gəlib öyrədilmiş adamlarla görüşürlər. Mən Prezidentə müracit edirəm ki, şikayətlərimə məhəl qoyulmur".

Rayon sakinlərdən aldığımız məlumata görə, "Dırıq" ərazisindən isə heç kəsə görüşə icazə verilməyib. Deputat İqbal Məmmədov isə rayon rəhbərliyi ilə əlaqə saxlayaraq, şikayət edən kəndlərin sakinlərinin görüşə buraxılmaması tapşırıb.

Onlar bildiriblər ki, sakinlərlə PA işçilərinin görüşünə əngəl yaradılıb və öyrədilmiş şəxslər onlarla görüşdürülüb. 

İcra Hakimiyyətindəki mənbəmiz bildirib ki, narazı sakinlərin bir neçəsi icra hakimiyyətinə gəlsə də, icra başçısının müavini Cəlil Baxşıyev onları öz otağına aparıb, görüşə girmələrinə mane olub.

Mənbəmiz deyib ki, icra başçısı Rövşən Bağırov bununla bağlı xüsusi tapşırıq verib. 

"Biz icra başçısının müavini Habil Məlikov və şöbə müdiri Əlipənah Bayramovla danışdıq. Onlar dedilər ki, gəlib problemlərinizi deyin. Amma başçının birinici müavini Cəlil Baxşıyev mane oldu. Rayonun Prezident Adminstrasiyasındakı kuratoru da görüşdə idi. O da Rövşən Bağırovla yaxın şəxsdir", - sakinlər deyiblər. 

Mövzu ilə bağlı Lerik rayon İcra Hakimiyyətindən münasibət öyrənmək mümkün olmayıb.

“Mən Rafael Qasımovu tanışımın vasitəsi ilə 10-12 il bundan qabaq tanımışam. İlk baxışdan bu adam normal insandır, müəllim işləyir. Bir gün mənə zəng etdi ki, oğlunu prezident aparatına işə düzəldəcəm, təcili gəl, görüşüb danışaq. Getdim danışdım, bu məsələnin həlli üçün 34 min dollar pul istədi. Bunun 4 min dollarının dövlət qulluğuna, qalanının isə işi düzəldənə çatacağını dedi”.

Bunları “Bakupost”a açıqlamasında cinayətkar qrup tərəfindən aldadılan M.Bayramov deyib. O, Bakıda işədüzəltmə vədi ilə dələduzluğa məruz qaldığını bildirir.

Rafael Qasımov“Baku Medical Plaza”nın keçmiş baş həkim müavini, dələduzluğa görə məhkum olunmuşFeyzulla Qasımovunoğludur. F.Qasımov isə Bakı Dövlət Universitetinin hüquq fakültəsinin keçmiş dekanı, professor Məhəmməd İmanlınınqayınatasıdır. Diqqətli oxucu adıçəkilən şəxslərihəkim Hüseyn Ələkbərov və onun oğlu, tanınmış cərrah Cəmil Ələkbərovaqarşı da eyni dələduzluğu törətdikləri barədə Bakupost.az-ın hazırladığı araşdırmalardan tanıyır.

M.Bayramovun sözlərinə görə, sonrakı görüşlərə R.Qasımovun atası F.Qasımov da gəlib:“Onun atası tanınmış həkim Feyzulla Qasımovdur. Belə baxırsan ki, ziyalı, mədəni insana oxşayır. Feyzulla Qasımov mənə dedi ki, bu işi o aparır. Dedi, işi görən adam Naxçıvan daxili işlər nazirinin keçmiş müavini Telman Əliyevdir. Bu ada görə mən inandım. Guya Telman Əliyev xəstələnəndə həkim F.Qasımov onu ölümdən qurtarıb. Sonra bildirdilər ki, mənə dövlət qulluğu sertifikatı veriləcək. Ona görə də 4 min dollar verməliyəm. Mən aparıb dediyi məbləği verdim.

rafael

Rafael Qasımov

Nazir müavini və MTN-nin polkovnik-leytenantdı…

Bir neçə gün sonra R.Qasımov bildirdi ki, bir nəfər bizi görmək istəyir, oğlumu da götürüb gəlim. Getdik ki, səliqəli geyimdə bir cavan oğlan da oturub. O günlərdə mən Rafaelə çox sual verirdim. Dedi, mən bu adamla sizi ona görə görüşdürürəm ki, sizdə inam yaransın. Guya həmin oğlan daTelman Əliyevinbacısı oğludur.Özü də MTN-də işləyir, polkovnik-leytenantdır, vəsiqəsini də göstərdi. Həmin şəxsin də adı Natiq idi.Bu görüşdən üç gün sonra Rafael yenə zəng elədi ki, oğlunu da götür gəl Prezident Administrasiyasının yanına. MTN-nin işçisi olan Natiq də ordaydı. Mən gözlədim, onlar harasa getdilər ki, sənədlərə qol çəkilsin. Sonradan bildim ki, onlar XDMX-nin Ovçular İdarəsinə gediblər, kağızda iki yerə qol çəkdiriblər.

feyzulla

Feyzulla Qasımov

Mənə söz vermişdilər ki, 45-60 gün ərzində iş qutaracaq. 45 gün keçəndən sonra əlaqə saxladım. Onda pulun hamısını məndən almışdılar. Həm Rafael Qasımov, həm də atası Feyzulla mənə dedi ki,PA-da Fərhad Muxtarovadında adam var, bu işləri o həll eləyir. Sonra bizi üç aylıq kurs keçmək adı ilə Strateji Araşdırmalar Mərkəzinə göndərdilər. Rafael də bizimlə getmişdi, içəridən maraqlandı ki, guya,SAM-ın rəhbəri Fərhad Məmmədovişdə yoxdur. F.Qasımovla təkrar əlaqə saxladıq, dedi ki, gedib üç gündən sonra gəlin. Üç gün sonra isə dedilər ki, guya Fərhad Məmmədov xaricə gedib, on beş gün sonra gələcək. Bu gedişlə məni on ay süründürdülər. Təsəvvür edin, hər gün oğlumu geyindirib-keçindirib kimləsə görüşəcəyimiz ümidi ilə evdən çıxarırdım. Sonra da saatlarla hansısa idarənin qarşısında durub, stress keçirirdik…”

Məhəmməd İmanlı yeni dələduzluq işində peyda oldu

Şikayətçi deyir ki, bir müddət sonra F.Qasımov oğluna deyib ki, gedin PA-ya, Elçin adlı bir adam işi həll edəcək:“Xeyli gözləyəndən sonra zəng elədilər ki, qəbul edə bilmirik, ayın axırları sizin əmriniz veriləcək. Sonra da hansısa şöbə müdirinin müşaviri olan Orxan adlı adam çıxdı. Bu şəkildə bizi aldatmaqda davam etdilər.

Bir dəfə məni restorana dəvət etdilər. Getdim ki, Rafaellə bərabər iki nəfər də var. Mən oturan kimi, Rafael durub getdi. Oturan adamlardan biri bildirdi ki, mən Rafaelin bacısının həyat yoldaşıyam, adım Məhəmməddir. Sonra bildim ki, bu adam BDU-nun hüquq fakültəsinin keçmiş dekanıMəhəmməd İmanlıdır. O dedi ki, guya onları aldadıblar, iş düzəlməyib. Pulumu qaytaracağına söz verdi”.

Bunun ardınca isə M.Bayramov R.Qasımovdan şikayətçi olmağa qərar verib:“Sonra mən şikayətçi olmağa qərar verdim. Məhəmməd adlı şəxs hər gün Rafaelin anası, xalası, qayınanası ilə bizə gəlirdi ki, şikayətçi olmayım. Həmin ərəfədə Rafael, Feyzulla və Məhəmməd İmanlının aldatdığı başqa adamlar da mənimlə əlaqə saxladılar. Məlum oldu ki, “Medikal Plaza”da bir işçini də aldadıblar, sonra Tovuz rayon sakini Vidadi adlı şəxs də bildirdi ki, onun da 50 min dollar pulunu alıblar. Daha sonra Dilqəm və Cəmil adlı vətəndaşları da aldadaraq külli miqdarda pullarını mənimsəyiblər.

Əgər mən də şikayətçi olsaydım, onların məhkəmədə olan işləri daha da çətinləşərdi. Buna görə hər gün mənə xahişə gəlirdilər ki, şikayətçi olmayım. Başqa adamları aldatdığından və işlərinin məhkəmədə olduğundan xəbərim yox idi. Mən şikayətçi olmayım deyə gətirib 20 min dollar pul verdilər. Məni bu şəkildə təkrar aldatdılar. Qalan pulumu vermədilər.

Məhəmməd_İmanlı

Məhəmməd İmanlı

Bir gün Feyzulla Qasımov mənə zəng etdi ki, təcili gəl restorana. Getdim ki, Rafael də ordadır, çox narahat haldadırlar. Mənə sənət verdilər, hardasa 4 hektar torpaq var. Onun sənədləridir:“O torpağı sataq, sənin də, başqalarının da pulunu qaytaraq”. Mən sənədi götürdüm, amma bu məsələ üçün kiməsə ağız açmadım.

Onlar mütəşəkkil dəstədirlər, böyük cinayətlər törədirlər. Və ondan yayınmağın yollarını, bütün incəliklərini bilirlər. Bu işdə əlbəttə ki, əsas rolu Məhəmməd İmanlı oynayır.

Məhəmməd İmanlı açıq şəkildə deyirdi ki, qanun kitablarını o hazırlayıb, nəyi necə etməyi hamıdan yaxşı bilir. Bir gün gətirib müstəntiqin yanında mənə 7 min dollar pul vermək istədi. Mən etiraz elədim ki, pulu bu adama yox, Rafaelə vermişəm. Uzun söz-söhbətlərdən sonra mənim 7 min dollarımı da qaytardılar.Hazırda onlar, yəni Rafael Qasımov, Feyzulla Qasımov və Məhəmməd İmanlı mənə 7 min dollar pul verməlidirlər”.

Hazırda Bakı şəhər Baş Polis İdarəsində M.Bayramovun şikayəti üzrə araşdırma aparılır. R.Qasımova qarşı dələduzluq ittihamı ilə iş başladılıb.

Qeyd edək ki, daha əvvəl cərrah Hüseyn Ələkbərov Bakupost.az-a müraciət edərək bildirmişdi ki, F.Qasımov ondan dələduzluq yolu ilə 50 min dollar alıb. Bu iş məhkəməyə çıxmış, F.Qasımov barədə həbs-qətimkan tədbiri seçilmişdi. Lakin H.Ələkbərovun iddiasına görə, BDU-nun keçmiş dekanı Məhəmməd İmanlı Bakı Ağır Cinayətlər Məhkəməsinin hakimi Cavid Hüseynovla dostluq münasibətlərindən istifadə edərək, yaxın qohumu F.Qasımovun cəza almamasına nail olmuşdu. Məhkəmə F.Qasımov barədə dələduzluq maddəsi ilə hökm çıxarsa da, onu çox az cəza ilə həbsdən azad etmişdi. Üstəlik, zərərçəkən H.Ələkbərova dəyən külli miqdarda ziyanın da ödənməsi barədə qərar çıxarılmamışdı. Hazırda bu iş də Bakı Apellyasiya Məhkəməsinin baxışındadır. İşəhakim Qədim Babayevin sədrliyi ilə baxılacaq.

Sosial şəbəkələrdə hadisə ilə bağlı kampaniya başlayıb
Təhsil Nazirliyində paytaxtın 162 nömrəli tam orta məktəbinin 8-ci sinif şagirdi Elina Hacıyevanın intihar etməsi ilə bağlı iclas keçirilib.
 İclasda hadisənin təfərrüatının araşdırılması məqsədilə yaradılan xüsusi komissiyanın üzvləri və Təhsil Nazirliyi Aparatının rəhbər şəxsləri iştirak ediblər.
 Xidməti araşdırmanın nəticələri qərar qəbul edilmək üçün təhsil nazirinə təqdim edilib.
 Eyni zamanda, sosial şəbəkələrdə Elina Hacıyevanın intiharı ilə bağlı kampaniya başlayıb.
 Kampaniyanın təşəbbüskarı hüquqşünas Nicat Məmmədbəyli yaydığı müraciətdə qeyd edib ki, Elina Hacıyevanın intiharına səbəb onun şagird yoldaşları tərəfindən dəfələrlə "bullinq”ə (UNICEF-ə görə bullinq uşaqların incidilməsinə səbəb olan ixtiyari və təkrar olaraq törədilmiş aqressiv davranışdır) məruz qalması, müxtəlif təhqiramiz ifadələrlə çağrılaraq psixoloji sarsıntı keçirməsi qeyd edilir.
Bullinq
Mənbə: Bullinqəson
E.Hacıyevanın anasının mətbuata verdiyi açıqlamaya görə, Elina məktəb yoldaşları tərəfindən törədilmiş "bullinq”dən uzun müddət əziyyət çəkib və o, bununla bağlı məktəb rəhbərliyinə müraciət edib. Onun sözlərinə görə, məktəb rəhbərliyi isə bununla əlaqədar heç bir addım atmayıb.
 N.Məmmədbəyli müraciətində bildirib ki, kampaniyaya qoşulmaq və hadisələrdən xəbərdar olmaq üçün #BullinqəSon və #ElinaÜçünSusma həştəqlərindən istifadə etmək olar.
 Hadisə ilə bağlı Bakı şəhəri Səbail Rayon Prokurorluğunda Cinayət Məcəlləsinin 125-ci maddəsi ilə (Özünü öldürmə həddinə çatdırma) cinayət işi başlanılıb.
Cümə axşamı, 11 Aprel 2019 10:36

15 oğurluq edən şikəst necə azad oldu?!

Yazan

2016-cı il idi. Dostum (xaricdə yaşayır) əlaqə saxlayıb, bir məsələdə qardaşı Qürbətə (ad şərtidir) yardım etməyimi xahiş elədi. Qürbətlə görüşdük, dedi ki, həyat yoldaşının bir qohumu 4 ay əvvəl Bakıya gəlib, gəldiyindən 15 gün sonra əlaqə kəsilib. Nəhayət uzun axtarışdan sonra məlum olub ki, oğurluq edib və həbs olunub. Amma oğurluq edəcəyinə heç kim inanmır, çünki buna fiziki sağlamlığı imkan vermir, xəstədir, beli urdur.

Birlikdə Şüvəlana, Müvəqqəti Saxlama Təcridxanasına getdik. Nəzarətçi 40 AZN alıb, təqribən 15 dəqiqə görüş imkanı yaratdı. Gözlərimə inanmadım, bu adamı 15 oğurluq hadisəsində necə ittiham etmək olardı? Şikəst adama, o qədər işgəncə verilmişdi ki, ayaq üstə dayana bilmirdi.

Başına gəldiklərini belə izah etdi: Günlərin bir günü tanımadığı iki nəfər bunu kirayə qaldığı Xəzər rayonu Binə qəsəbəsində kafeyə dəvət edirlər. Bu da sevincək razılaşır. Sonra həmin iki nəfər özlərilə birlikdə tikintidə işləməyi təklif edirlər. Kafedən iş vəsaitləri götürmək məqsədilə çıxıb, bir həyət evinin qarşısına gəlirlər. Bu, qapıda gözləyir və həmin iki nəfər içəri keçir. Bir neçə bağlama götürüb həmin kafeyə qayıdırlar. Çox keçmədən iki polis içəri girir və üçünü də bölməyə aparır.

Buna deyirlər ki, sən oğurluq eləmisən, nə az, nə çox düz 15 oğurluq hadisəsini bunun ayağına yazırlar. Bu da and, aman edir ki, yetim uşağam, bir xəstə bacım var, yaşlı anamdan başqa heç kimim yoxdur, mən bu işlərdən xəbərsizəm, əl çəkmirlər. Beli ur olan xəstə uşağı saatlarla “jim“ vəziyyətində saxlayırlar, ayağından asırlar və nəhayət etiraf edir.

Bununla gətirilən iki nəfər isə bölmədə buxarlanırlar. Həmin polislər də şahidlik edirlər ki, biz hadisə yerində tək bunu yaxalamışıq.

Ordan çıxıb gəldik Xəzər Rayon Məhkəməsinə. Dedilər ki, həmin şübhəlinin məhkəmə prosesi başlayıb və növbəti məhkəmə iclası təqribən 10 gündən sonra olacaq. İşi aparan hakimin adını dedilər, gedib tapdıq. Hakim Qürbətin qohumu çıxdı. Tanınmış muğam ifaçılarından birinin qardaşı idi. Qürbətlə görüşüb, öpüşdülər və ziyarət səbəbinə gəldikdə, hakimin rəngi bir az dəyişdi. Əlqərəz, məlum oldu ki, şikayətçilər iddialarını geri götürməsələr adam azı 5 il həbs olunacaq. Növbəti məhkəmə iclasının vaxtını öyrənib, qayıtdıq.

10 gündən sonra getdik. Məhkəmə zalında 7, 8 kişi oturmuşdu. Hakim utanmaz-utanmaz dedi ki, sizin əmlaklarınızı və toyuq-cücələrinizi bu adam oğurlayıb. Bir yaşlı kişi ayağa qalxdı, üzünü hakimə tutdu: Cənab hakim mən şikayətimi geri götürürəm və bu uşağın da azad edilməsini istəyirəm. Həm də xahiş edirəm ki, bu uşağa milli qəhrəman adı verilsin. Bu boyla, bu görkəmlə iki mərtəbəli evimə hamamın nəfəsliyindən girib, nə aparıbsa halalxoşu olsun.

Sonra zalı tərk elədi. Bir nəfərdən başqa bütün şikayətçilər şikayətlərini geri götürdülər. Hakim yenə də utanmaz-utanmaz: şikayətinizi geri götürürsünüzsə, ərizə ilə rəsmiləşdirin, dedi.

Qürbət bir nəfərə 200 AZN dəymiş ziyanı ödədi. Lakin hakim adamı sərbəst buraxmadı.

Hakim başa düşmədiyim dildə (talış) Qürbətə nəsə dedi, o, da mənim otaqdan çıxmağımı xahiş elədi. Nəhayət, 10 dəqiqə gözlədikdən sonra Qürbət gəldi. Bildirdi ki, 5000 (beş min AZN) istəyir. Guya, hakim sərbəst buraxsa, prokuror işi yenidən qaldıra bilər və hakimə problem yaranar.

Mənim müdaxiləmin də mənasız olduğunu və işi daha gərgin duruma gətirə biləcəyini, deyibmiş hakim.

Sağollaşıb, ayrıldıq.

Təqribən iki həftə sonra, Qürbət zəng edib görüşmək istədiyini dedi. Həmin xəstə qohumu da yanında idi. Qürbət həyat yoldaşının zinət əşyalarını satıb, 3000 AZN verməklə, şikəst qohumunu girovluqdan azad edə bilmişdi. Deyirdi, sağ olsun əmioğlu (hakimi nəzərdə tuturdu) özünə çatan 2000 manatı almadı.

Cavid Cabbarlı

Kəlbəcərdə ermənilər tərəfindən girov götürülən Şahbaz Quliyevin video-görüntüləri ailəsinə təqdim olunub. 
 Bu barədə Azvision.az-a girovun qardaşı İlham Quliyev məlumat verib. Bildirib ki, Şahbazın yeni görüntüləri onlara 15 gün əvvəl Beynəlxalq Qızıl Xaç Komitəsinin (BQXK) nümayəndələri tərəfindən göstərilib.
 "Şahbazın videosunu görəndən bəri özümüzə gələ bilmirik. Biz istəyirik ki, xalqımız onun nə vəziyyətdə saxlanıldığını görsün, halına acısın. Videoya baxanda ürəyimiz qan ağladı. Qardaşım yaman günə qalıb. Təsəvvür edin, eynəksiz heç nə görmür. Şahbaz elə bir haldadır ki, bunu sözlə təsəvvür etmək mümkün deyil. Videoda bizi salamlayır, daha sonra övladı, ailəsi ilə maraqlanır. Təxminən iki dəqiqəlik video idi", - deyə girovun qardaşı vurğulayıb.
 Onun sözlərinə görə, Şahbazın durumu heç də yaxşı deyil: "Biz Beynəlxalq Qızıl Xaç Komitəsinin (BQXK) nümayəndələrindən xahiş etdik ki, görüntünü insanlar arasında yaymaq, dövlətimizə göstərmək üçün bizə versinlər. Ancaq dedilər ki, bu yalnız ailəsinə göstərmək üçün təqdim edilən görüntüdür. Buna görə arada mübahisə düşdü. Qardaşımın belə görüntüsünü gətirməkdənsə, heç gətirməsinlər”.
 Qeyd edək ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüb, Azərbaycan vətəndaşı Həsən Həsənov isə güllələnərək öldürülüb. İşğal altındakı Dağlıq Qarabağda qurulan qanunsuz "məhkəmə"nin qərarı ilə D.Əsgərov ömürlük, Ş.Quliyev 22 il müddətinə azadlıqdan məhrum edilib.

Sonuncu əfv sərəncamı ilə azadlığa çıxan keçmiş siyasi məhbus İlkin Rüstəmzadə ölkədəki qanunsuzluğun, ədalətsizliyin miqyasını göstərən bir həbsxana xatirəsini paylaşıb. Onun feysbukda yazdığını təqdim edirik.

Məhkəmə islahatları məsələsi yadıma bir hadisəni saldı. Bu hadisəni ağlımın bir tərəfinə yazmışdım, nə vaxtsa paylaşacaqdım. Son hadisələr fonunda indi yazmaq vaxtı olduğunu düşünürəm.
“13”də Fərrux adlı bir gənc var idi (böyük ehtimalla indi də oradadır). Cəlilabad rayonunda taksi sürücüsü olub. Lisenziyası, sənədləri tam qaydasında. Bir dəfə yolda maşınını saxlayırlar, iki oğlan və bir qız minir avtomobilinə. Yolda bu, məsələni başa düşür:
Qızı qaçırırlar!
Dərhal maşını saxlayır, hər iki oğlanı qovur, qızı aparır düz evlərinə qədər. Atası təşəkkür edir.
8 ay sonra bu 2 nəfər adam oğurluğu ittihamı ilə həbs olunur. Hadisədə iştirak etdiyi üçün bunu da çağırırlar polisə. Polis deyir, bilirəm, mərdlik eləmisən, amma, gətir tədqiqatçıya 2000 ver, iş bağlansın. Vermir, verə bilmir. İş gedir istintaqa.
Müstəntiq çağırır, deyir, bilirəm mərdlik etmisən, get 5000 gətir, atım prokurorun ağzına, iş bağlansın. Gətirmir, gətirə bilmir. İş gedir məhkəməyə.
Ağır Cinayətlər Məhkəməsindən bunu çağırırlar, hakim deyir, bala, bilirəm heç nə etməmisən, amma, məni başa düş, səni buraxsam deyəcəklər, filan qədər almısan, filan qədərini düş bura, mən də məcburam sənin yerinə Məhkəmə sədrinə öz cibimdən pul verəm. Get sədrin haqqın gətir ver, bitsin bu iş. Vermir, verə bilmir. Məhkəmədə qızın özü, valideynləri gəlib yalvarırlar hakimə. Ki, bu adam xanımı xilas edib. Notariusda təsdiqlənmiş ifadələr verirlər. Xeyri olmur. Digər 2 nəfər məhkəməyə gəlib ifadə verirlər, yenə xeyri olmur. 8 illik həbs cəzası!
Həmin Fərrux “13”ə gələndə, Penitensiar Xidmətin işgəncə krallarından hesab olunan Elçin Əlicanov belə əlini başına tutaraq işi oxuyub hakimləri söymüşdü.
Çox yerə yazdı, məktub göndərdi. Faydası olmadı heç nəyin. Niyə?
Çünki polis buraxa bilməz! Müstəntiq buraxa bilməz! Hakim buraxa bilməz! Rüşvət mexanizmi elədir ki, aldınsa, verməlisən. Vəssalam! Kimisə buraxan pul almadığını sübut edə bilməz! Necə? Sən? Onu? Pulsuz? Yaxşı, bəsdir sən Allah! Axaxa, günahsız idi? Bunu rəisə (rayon prokuroruna, Məhkəmə sədrinə) özün izah edərsən.
Sistem bu. Mexanizm bu. Hüquq bu!

Bu gün II Fəxri Xiyabanda 10 aprel 1997-ci ildə şəhid olmuş hərbçilərimiz üçün anım tədbiri təşkil olunub. Bu barədə Xeberinfo.de-ə tədbirin təşkilatçısı Milli Mədəniyyətin Təbliği İctimai Birliyinin sədri, ictimai xadim Jalə Cəfərova məlumat verib. Tədbirdə şəhid ailələri, ictimaiyət nümayəndələri, 103 saylı orta məktəbin 3 və 5-ci sinif şagirdləri və Dəstənin yeganə sağ qalmış üzvü Aqil Əhmədov iştirak ediblər.

Qeyd edək ki, 10 aprel 1997-ci il tarixdə Xüsusi Təyinatlı Dəstə, (komandir, leytenant Elxan Ataxan oğlu Ağayev, leytenant Vüqar Rzaxan oğlu Yarəhmədov, çavuş Dinar İbrahim oğlu Mustafayev, çavuş Anar Üzeyir oğlu Rzayev, çavuş Aqşin Əli oğlu Həsənov, çavuş Nizami Səfi oğlu Ələkbərov, çavuç Fariz Şəmil oğlu Cavadov və düşmən gülləsindən yaralanaraq meşədə saatlarla hüşsuz qalıb 1 il 11 aylıq əsirlikdən qayıdan Aqil Mürsəl oğlu Əhmədov) kəşfiyyat zamanı düşmən tərəfindən mühasirəyə alınıb, qəhrəmancasına düyüşmüş və şəhid olmuşlar.

57114766 1616880605122906 7301062610672156672 n

56615127 362866414326330 3588039146779705344 n

 

“Hər ay Müsavat Partiyası adına xas olan saxta sənədlərdən 200-300 min avroluq dövriyyə var”

Taleh Xasməmmədov: “Hazırda Müsavatın adı ilə xaricdə saxta sığınacaq alanların sayı 10 minə yaxındır”

 Müsavat Partiyasının çox fəal üzvlərindən olan hüquq müdafiəçisi Taleh Xasməmmədov partiya sıralarından çıxarılıb. O, Müsavat Partiyasından çıxarılması səbəbini partiyadan belə izah edildiyini dedi ki, guya ona dəfələrlə xəbərdarlıq edilməsinə baxmayaraq, o, partiyanın siyasi xətti ilə üst-üstə düşməyən fəaliyyət göstərib, “Facebook” sosial şəbəkəsində partiya əleyhinə  böhtan xarakterli statuslar paylaşıb. “Çağırdıqları iclaslara gəlmədiyimi bəhanə edərək, özümün iştirakı olmadan məni Müsavatdan uzaqlaşdırıblar”.

Taleh Xasməmmədov “Bakı-Xəbər”ə açıqlamasında partiyanın qərarını antidemokratik adlandırdı: “Mən 2000-ci ildən Müsavat Partiyası sıralarındayam, amma bu müddət ərzində heç vaxt partiyaya üzvlük barədə vəsiqə almamışam. Hətta 2011-ci il tarixdə həbsim zamanı Müsavat Partiyasının bir məsul şəxsi guya axtarış aparmasına baxmayaraq, mənim partiyaya üzv olub-olmamağım barədə arayış təqdim edə bilməmişdi. Hansı ki, mən uzun illər Müsavat Partiyasını seçki komissiyasına təqdim edilən üzv olaraq təmsil etmişəm, eyni zamanda, bir çox mitinqin fəal iştirakçısı olmuşam. Amma indi necə olursa Avropada hər yoldan keçən birinin cibindən Müsavat üzvü olduğunu təsdiq edən vəsiqə çıxır? Belə hallarda işi çətinə düşən kimi partiya rəhbərliyi  "saxtadır" deyib məlumatları təkzib edir. Bəli, doğrudan da saxtadır, çünki Müsavatın o qədər üzvü heç vaxt olmayıb, amma "saxta" olaraq onlara üzvlük vəsiqəsi verilib. Bundan əlavə, qeyd edim ki, bu cür faktiki sənədlərə istinad edilmiş ittihamlar hansı partiyaya yönəlsəydi, həmin partiya rəhbərliyi ya məhkəmə qaydasında "nüfuz" davası açardı, ya da ki, hüquq-mühafizə orqanlarına müraciət edilərək cinayət əməli törətmiş şəxslərin məsuliyyətə cəlb olunması tələb olunardı. Amma heç bir tələb edilmir, edilməyəcək də. "Qara bazar" elə bazardır, yararlananlar və yaradanlar üçün. Təəssüf ki, mənə çatanda "arxiv arayışı" tapa bilmirdilər.

Bu arada mən onlar üçün bəzi önəmli "dələduz" olsaydım, mənim də vəsiqəm verilərdi, partiyada şəklim divara vurulardı, hansı ki, vicdan məhbusu idim!”

T.Xasməmmədov iddia edir ki, onun mühacir biznesi ilə bağlı əlaqədə şübhələndiyi partiyadan izahat tələb etməsi belə vəziyyəti yaradıb: “Burada çox böyük pullar oynayır. Hazırda Müsavatın adı ilə xaricdə saxta sığınacaq alanların sayı 10 minə yaxındır. Partiyanın fəaliyyətinin ən pik vaxtı 2003-cü ilə təsadüf edir. Heç onda Müsavatın 10 min fəal, cəfakeş üzvünü biz görməmişik. Mən hesab edirəm ki, hər ay Müsavat Partiyası adına xas olan saxta sənədlərdən 200-300 min avroluq dövriyyə var. Bununla bağlı ortaya faktlar qoyulur, saxta sənədlərin surətləri paylaşılır. Niyə partiya rəhbərliyi bunu susqunluqla qarşılayır? Bəlli şəbəkə artıq tam oturuşub. Burdan gedən adamın sənədlərini düzəltmək üçün 3 min avro alırlar. Orada qarşılayan adam 3 min avro alır. Təxminən 1500 avro da vəkilə verilir ki, oradakı saxtakarlıqları malalasın. Hər ay da 100-ə yaxın belə adam yola salınır. Mən bunun hesabatını tələb etmişəm. Müsavatın bu qədər əzabkeş üzvü vardısa, niyə biz onları meydanlarda, mitinqlərdə görmürük”.

Çərşənbə axşamı, 09 Aprel 2019 14:07

Deputat yalan danışır - Ekspert faktlarla sübut edir

Yazan

Ötən günlərdə deputat Elman Nəsirli mətbuata verdiyi açıqlaması müzakirələrə səbəb olub. Deputat açıqlamasında Azərbaycanda 1992-1993-cü illərdə əhali artımının olmadığını iddia etmişdi.

Ekspert Zöhrab İsmayıl isə millət vəkilinin yalan danışdığını qeyd edərək, bunu rəqəmlərlə sübut etməyə çalışıb. “Deputat Elman Nəsirov yalan danışır. Azərbaycanda əhalinin artım tempi 1990-cı ilin əvvəllərində indikindən yüksək olub. Dövlət Statistika Komitəsinin və Dünya Bankının məlumatları bunu göstərir. Əhalinin artım tempi 1992-ci ildə 1.55%, 1993-cü ildə 1.47%, 2018-ci ildə isə 0.98% olub. 2019-cu ildə isə bu temp 0.91%-ə düşəcək. Ümumiyyətlə, Azərbaycanda əhalinin artım tempi 1962-ci ildə ən yüksək (3.5%), 1999-cu ildə ən aşağı (0.8%) qeydə alınıb. Artım tempi sonradan 2012-2013-cü illərdə 1.3% həddinə çatsa da, sonrakı dövrdə yenə azalmaqdadır”.

5 -dən səhifə 220