Keçmiş siyasi məhbus Taleh Xasməmmədov Müsavat Partiyasının üzvlüyündən xaric edilib. Bu barədə T.Xasməmmədov Facebook hesabında bununla bağlı yazıb: “Dostlar məni təbrik edə bilərsiniz! Bu gün Müsavat Partiyası sıralarından hansısa qərarla xaric edilmişəm. Əminəm ki, vaxt gələcək əleyhimə bilməyərəkdən çıxmış həqiqi müsavatçılar mənim mövqeyimdə olacaqlar. Çünki, 19 ilin müsavatçısını bir statusa qurban edən "partiya" heç bir halda xalqın etimadını qazana bilməz, bundan heç şübhəniz olmasın!”

Bu əsnada Müsavat Partiyası NTK-nın məsələ ilə bağlı açıqlaması yayılıb. Həmin açıqlamada deyilir ki, NTK özünün genişləndirilmiş iclası keçirilib. “Toplantıda ölkədə, dünyada gedən proseslərlə yanaşı, partiyadaxili nizam-intizam da müzakirə mövzusu olub. Partiya üzvü Taleh Xasməmmədov partiyanın dəst-xəttinə uyğun hərəkətlər etmədiyinə görə, dəfələrlə xəbərdarlıqlar almasına baxmayaraq, öz bildiyini etmişdir. Facebook-da partiya əleyhinə böhtan xarakterli statuslar paylaşmış, iclaslara gəlməmiş və başqa partiyanın nizamnaməsinə uyğun hərəkətlər etmədiyinə görə gizli səsvermə yolu ilə partiya sıralarından xaric olunub”.

Çərşənbə axşamı, 09 Aprel 2019 00:37

Arqument.az saytına giriş məhdudlaşdırıldı

Yazan

Azərbaycanda tanınmış xəbər saytlarından olan Arqument.az-a ölkədən giriş məhdudlaşdırıb. Bu barədə saytın baş redaktoru Şəmşad Ağa məlumat verib.  

O bildirib ki, günorta saatlarından sonra saytın fəaliyyətində məhdudiyyətlər meydana gəlib. Onun sözlərinə görə, proqramçılar sayta blok qoyulduğunu deyirlər. “Amma bizə hər hansı bildiriş gəlməyib”.

Şəmşad Ağa saytın bloklanmasının konkret səbəbləri barədə dəqiq heç nəsa deyə bilməyəcəyini vurğulayıb. O güman edir ki, bloklanma Cəlilabadda aksiyanı işıqlandırdıqları üçün belə bir addımın atılması mümkündür.

Çərşənbə axşamı, 09 Aprel 2019 00:23

Maarifçi, din xadimi, söz adamı...

Yazan

Fəzilətin, hünərin baqi qalmaq istərsən,

Bilikdə cəhd elə, kəsbi-hünərdən ar eləmə.

M.Füzuli
XIX əsrdən başlayan Azərbaycan maarifçilik hərəkatı XX əsrin əvvəlllərində demək olar ki, ölkənin bütün bölgələrdində öz nəticəsini verməyə başlamışdı. Əsasən, Avropa ölkələri, Rusiya, Türkiyə, İran, İraq və digər ərəb ölkələrində təhsil alan ədiblər, maarifçilər Azərbaycana qayıtdıqdan sonra Cənubi Qafqazın müxtəlif ərazilərində fəaliyyət göstərirdilər. 
Onların içərisində din xadimləri sayca daha çox idilər. Çünki Şərq ölkələrində təhsil alanlar əsasən dini təmayüllü mədrəsələrdə oxuyur, burada dini təhsillə yanaşı, dünyəvi təhsili də öyrənirdilər. 
Belə şəxslərdən biri də xalq arasında həm də "Mirzə Mahmud" kimi tanınan Molla Mahmudəli Əhmədəli oğlu idi. 
Molla Mahmudəli 1901-ci ildə keçmiş Lənkəran qəzasının (İndiki Lerik rayonunun Şivlə kəndi) Pürnəim nahiyyəsinin Şivlə kəndində sənətkar ailəsində doğulub. Atası Əhmədəli kişi Pürnəim nahiyyəsinin tənınmış, nüfuzlu, hörmətli ağsaqqallarından olmuş, övladlarını ləyaqətli vətəndaş kimi yetişdirmişdi.
Molla Mahmudəli ilk təhsilini kənddə, dövrünün seçilən şəxsiyyəti, şəriət elminin mükəmməl bilicilərindən olan Kərbəlayı Molla Həmid Hüseyn oğlundan alır. Burada "Qurani-Kərim”i öyrənir. 
Molla Həmid tələbəsinin pürsavad olduğuna sevinir və ona təhsilini Şərq ölkələrindən birində davam etdirməsini məsləhət görür. Əhmədəli kişi oğlunu təhsilli görmək istəyirdi. O, Kərbəlayı Molla Həmidin məsləhətini qəbul edərək təqribən 1916-cı ildə oğlunu Azərbaycanın qədim elm mərkəzlərindən olan Ərdəbil şəhərinə göndərir. 
Molla Mahmudəli Ərdəbildə və İranın bir neçə digər şəhərində 3 ilə yaxın təhsil alır. Ailəsi ilə görüşmək məqsədi ilə icazə alıb vətənə gəlir. 1920-ci ildə Azərbaycanda sovet hakimiyyəti qurulduğundan İranla sərhədlər bağlanır və o bir daha geri qayıda bilmir. 
Sonralar öyrənir ki, qəzanın Dırıq nahiyyəsinin Zenonu kəndindən olan Şeyx Qələm (əsl adı Qulamrıza) axund da eyni vəziyyətlə üzləşib, şəriət elmini tədris elədiyi İraqın Nəcəf şəhərinə qayıda bilməyib, öz kəndində məskunlaşıb. 
Molla Mahmudəli təhsilini davam etdirmək üçün Şeyx Qələm axundun yanına gəlir. Burada o, ərəb, hind dillərini şeyxdən öyrənir və əsasən də İslam fiqhi və digər elmləri mənimsəyir.  
Əslində, ona "Mirzə Mahmud" ləqəbini də Şeyx Qələm axund verir. Molla Mahmudəli müəlliminin qayğısı, özünün səy və sevgilərilə dərin biliklərə yiyələnir.
30-cu illərin sonlarında Sovetlər ölkəsi xalqlar həbsxanasına çevrilir. 37-ci ildən başlayaraq Azərbaycanda da elm xadimləri, şairlər, sənət sahibləri kütləvi surətdə tutulur, sürgünlərə göndərilir. 
Molla Mahmudəli dostları tərəfindən böyük təhlükədən qurtarılır. Onların dəstəyi ilə Lerik rayon rabitə şöbəsində işə düzəlir. Az vaxt ərzində ən yaxşı işçi kimi hamıya nümunə olur, dağlıq rayonun rabitə xətlərinin həmişə işlək halda olmasının təminatçısı olur. 
1941-45-ci müharibə illərində rayon rəhbərinin və Rabitə şöbəsinin rəisi Ələkbər Şiriyevin təqdimat və səyi ilə Molla Mahmudəli üçün Müdafiə Nazirliyindən "bron” kağızı alınır və o orduya aparılmır. Bu o demək idi ki, arxa cəbhədə, rabitədə işləmək onun üçün cəbhə idi...
Müharibə illərində cəbhələrdən yaxınlarından "qara kağız”lar alır, lakin ağrılara dözür Mahmudəli kişi. Arxada əsgər ailələrinə yardımçı olmaqla özündə təsəlli tapır. Aldığı əmək haqqı ilə ailəsilə bərabər bir çox ailələrə kömək edir.
Müharibədən sonrakı illərdə xalq arasında olur. Şəriət alimləri ilə yaxından münasibət saxlayır. Mir Kərim axund, Şeyx Əhməd axund, Şeyx Qələm axund, Molla Hüseyn axund onun ən çox əlaqə saxladığı alimlərdən olur.
Eyni zamanda Molla Mahmudəli dövrünün tanınmış şəxsiyyətlərindən yazıçı Məmmədhüseyn Əliyev, professor Əyyub İsgəndərov, Qiyas Xəlilov və digər elm adamları ilə də dostluq əlaqələri saxlamışdır.
Kəndin və yaxın kəndlərin məclisləri onsuz keçmir, insanlara arxa-dayaq olurdu. Molla Mahmudəlinin çoxsaylı tələbələri olub. O, tələbələrinə Şərq əxlaq elmini, klassik ədəbiyyatı, Nizaminin "Xəmsə"sini, Sədinin "Gülüstan"ı, "Bustan"ı , Nəsirəddin Tusinin "Əxlaqi-Nasiri", "Qabusnamə", eyni zamanda hesab, coğragiya və astranomiyadan biliklər öyrətmişdir.
Həm şəriət bilicisi, həm yüksək əxlaqi dəyərlərə sahib insan kimi Molla Mahmudəli hər kəs üçün örnək olmuşdur. O, övladlarını da bu ruhda tərbiyə edib, iki oğlu onun müqəddəs işinin davamçısıdır. Oğlu Kərbəlayı Rizvan axund və Molla Bürhan xalq arasında böyük hörmət sahibidir.
Molla Mahmudəli 1994-cü ilin aprel ayında haqq dünyasına qovuşub.
Mövlanə Füzuli yazır ki, elmdə, əxlaqda üstünlük qazanmaq istəyirsənsə, bilik öyrənmək yolunda cəhd elə, öyrənmək hünərini özünə ar bilmə. Bu kəlam qiymətli xəzinədir. Bilik xəzinəsini doldurmaq insanı kamilləşdirir, əxlaqını saflaşdırır...
Xalid Mahmud
Bazar ertəsi, 08 Aprel 2019 23:36

Cəlilabadda xalq ayağa qalxdı - VİDEO

Yazan

Kartofa ixrac rüsumu tətbiq edilməsinə etiraz olaraq Cəlilabad rayonunun (Bakıdan 211 kiklometr cənub) Maşlıq, Kazımabad və Muğan kəndindən olan bir qrup istehsalçı aprelin 8-də Maşlıq kəndində etiraz aksiyası keçirib.

Aksiya iştirakçıları kartofa ixrac rüsumunun ləğvini tələb edib, istehsalçılar ölkə rəhbərliyinin bu məsələyə diqqət yetirməsi üçün Bakı-Astara magistralını bağlamaq istəyib.

“Məqsədimiz ölkə rəhbərliyinin diqqətini problemimizə cəlb etmək idi. Amma Cəlilabad rayon icra hakimiyyəti başçısı gəldi, bizi dinlədi, dağılışmağımızın lazım gəldiyini deyərək məsələnin yaxın 2-3 gündə həllini tapacağını söylədi,” aksiya iştirakçılarından biri bildirib.

Fermerlər deyirlər ki, məhsulu ixraca yönəltməmək üçün 1 dollar rüsum tətbiqi məhsulun maya dəyərindən bahadır.

“Hesab edin ki, kartofun yetişdirilməsi 1 manat 20 qəpiyə başa gəlir. İndi, biz, bunu xaricə çıxara bilmiriksə ölkə içində bu 10-20 qəpiyə satılacaq, əksər məhsul çürüryüb sıradan çıxacaq.”

Amma fermerlər məsələnin icra hakimiyyəti başçısının dediyi kimi 2-3 gündə həll olunacağına inanmır.

Digər istehsalçılar da oxşar problem yaşadıqlarını deyib.

“Yaxın ik-üç gündə topdansatış təşkilatçıları məhsulu bizdən almalı idilər. Amma ixrac rüsumu tətbiqindən sonra, aprelin 6-da gəlib verdikləri kisələri geri apardılar və səbəb kimi məhsulu xaricə çıxarmağın artıq sərf etmədyini söyldəlilər”, fermer belə deyib.

Son həftələrdə kartof, soğan və kələmin ölkə daxilində pərakəndə satışında kəskin qiymət artmı baş verib, soğan, kartof və kələmin qiymətində 1 manatdan 2 manatadək bahalaşma qeydə alınıb.

Bunu nəzərə alan Nazirlər Kabineti hər üç məhsulun ixrac rüsumunu mövsümü olaraq artırıb. Belə ki, Nazirlər Kabinetinin qərarına əsasən kartofa tətbiq edilən ixrac gömrük rüsumu bu ilin 30 aprelinədək 1 kq üçün 1 dollar (əvvəl 0,8 dollar), soğana və kələmə tətbiq edilən ixrac gömrük rüsumu bu ilin 30 mayınadək 1 kq üçün 2 dollar (əvvəl 0,6 dollar) olacaq.

Azərbaycan musiqisinin gənc sənətçilərindən olan Seyran İsmailxanov yeni klipini təqdim edib. "Yaralıyam dəymə“ mahnısı tanınmış və mahir ifaçı Rəşid Behbudovun repertuarındandır.

Xeberinfo.de yeni klipi təqdim edir:

Keçmiş siyasi məhbus, şair Tofiq Həsənlinin adından müraciət yayınlayıb.

Xeberinfo.de həmin müraciəti təqdim edir:

"Əziz xalq!
Bir Allah şahiddir ki, mən vətənimi və xalqımı necə sevirəm və Allah şahiddir ki, ən böyük arzum Azərbaycanımızı, sözün əsil mənasında azad görməkdir... Təbii ki, mən her hansı bir partiya üzvü olsaydım mənim məhkəmələrim boş zalda keçirilməzdi. Bunu nəzərə çatdırmağıma baxmayaraq, məsələ bunda deyil. Nə şöhrət, nə sərvət, nə şəxsi maraqlar mənlik deyil. Bu bir danılmaz faktdır ki, hakimiyyət zalımdır! Buna susmaq, bunu danmaq ən azından vətənə və xalqa laqeyidlikdir. Xalqa olmazın zülm və işgəncələr verilir. Sabitliyi gözümüzə soxub, başımızı pambıqla kəsirlər və daim müdafiəsində qələmimlə durduğum xalqımız bu zülmdən cana yığılıb artıq. Saxtakar olmaq istəmirəm! Həbsdən sonra bəzi hadisələri müşaət etdim və bu nəticəyə gəldim ki, vətənimizdəki hazırki durum yenə əvvəlki siyasət oyunlarının təzə variantıdır. Bütün fəaliyyətlər və niyyətlər xalqın parça-parça olub, bir araya gələ bilməməsi istiqamətindədir. Hər kəs xalqı bir tərəfə çəkir və nəticədə xalq bir araya gələ bilmir. Daim aralarında olduğum, heç bir tərəfə etibar edə bilməyən xalqın adından deyirəm; Şəxsi maraqlarınızı və intriqalarınızı yerə qoymayınca, həqiqətən də bu başsız və inamı hər yerdən üzülmüş xalqı idarə edə bilməyəcəksiniz. Odur ki, tövsiyə edirəm, özünüzü düzəldin.."

Müsavat Partiyasının və Milli Şuranın müraciətinə ''yox'' deyildi

Xeberinfo.de-in məlumatına görə, Bakı Şəhər İcra Hakimiyyəti (BŞİH) Milli Şuranın aprelin 6-da, Müsavat Partiyasının isə aprelin 7-də “Məhsul” stadionunda keçirmək istədiyi mitinqlə bağlı müraciətlərə rədd cavabı verib.

Qeyd edək ki, BŞİH Müsavat Partiyasının və Milli Şuranın əvvəlki mitinqlərinə də icazə verməmişdi.

Araz Rəhimov: Əgər fəaliyyətimizdə qanun pozuntusu vardısa, niyə gəlib qapını bağlamırdılar?

Fövqəladə Hallar Nazirliyinin (FHN) Aparatında fövqəladə hallar naziri general-polkovnik Kəmaləddin Heydərovun rəhbərliyi ilə keçirilən geniş Kollegiya iclasında martın 26-da Bakı şəhərinin Nizami rayonunda yerləşən “Diqlas” ticarət mərkəzində baş vermiş yanğın hadisəsi müzakirə edilib.

İclasda “Diqlas” Ticarət Mərkəzinin rəhbərliyinə qanun pozuntusu ilə bağlı dəfələrlə xəbərdarlıq olunduğu diqqətə çatdırılıb.

Məsələ ilə bağlı “Diqlas” Ticarət Mərkəzinin direktor müavini Araz Rəhimov Modern.az-a açıqlamasında ittihamlara cavab verib:

“Diqlas Ticarət Mərkəzinin rəhbərliyi xəbərdarlığa məhəl qoymayıbsa, niyə Fövqəladə Hallar Nazirliyi gəlib qapını bağlamırdı?! Niyə fəaliyyət göstərməyimizə icazə verirdilər?! Niyə hər il elektrik naqillərinin aktı üçün 250 manat tələb edirdilər?! Onlar nəzarət edib aktı imzalayıb bizə təhvil verirdilər. Çünki hər şey saz vəziyyətdə idi. Onların həyata keçirdiyi bütün proseslər, yoxlamalar zamanı hər şey qaydasında olub. Niyə yanğından sonra məsuliyyəti üzərlərindən atırlar?! Hər dəfə gələndə balonların dolu olması, təxliyə planını xüsusi yoxlayırdılar. Bunlar yox idisə niyə işləməyimizə icazə verirdilər?!

Hazırda anbarda yanmayan malları çıxarmaqla məşğuluq. Həmin mərtəbədə iki ədəd 20 tonluq çən var, hansı ki, fövqəladə hallar zamanı istifadəsi üçün nəzərdə tutulub. Balonlardan tutmuş təxliyyə planına qədər hər şey var idi. Hətta ədədi 50 manatdan ödsöndürən satmışdılar bizə, guya yanğın harada varsa, ora tətbiq edəndə partlayır və ərazini tutur”.

Ticarət Mərkəzinin rəsmisi yanğınsöndürənlərin hadisəyə laqeyd yanaşdıqlarını vurğulayıb:

“Yanğın baş verən kimi FHN-ə zəng etdik. Niyə bir köpük gətirib odun üstünə atmadılar ki, sönsün?! Bunların hamısı sadə şeylərdir və cavab tələb olunur İndi “Dəfələrlə müraciət etmişik” deyirlər. Kimə müraciət ediblər?!”

A.Rəhimov yanğının təxribat olmadığına əminliyini ifadə edib:

“Əlimizdə videogörüntülər var, prokurorluğa da təqdim edilib. 07:20-də razetkada kiçik qısaqapanma baş verir. Həmin vaxt işdə heç kim olmayıb. Yəni işdə kimsə olsaydı, dərhal söndürərdi. FHN-nin  maşını gələn kimi yanğına 1 vedrə miqdarına su tökən kimi suyu qurtarır. İkinci yanğınsöndürən maşın 40 dəqiqə sonra, yanğın genişlənəndə gəlir.

İndi məsuliyyəti boyunlarından atırlar. “Kainat” İnşaat Mallarının qarşısında kameralar var. O görüntüləri izləyən bilir ki, FHN-nin əməkdaşları obyektə hansı formada yanaşıblar. Ticarət Mərkəzini Rasim Məmmədovla ortaq işlədirik. Biz obyektin sahibi deyilik, idarə edənlərik. İndi çox adam çox söz deyə bilər. Bəzəkli-düzəkli ittihamlar səsləndirməklə deyil ki! Fakt var, görüntülər var. Fövqəladə Hallar nazirliyi “Diqlas”da şou göstərdi, yanğını söndürmədi. Bu da məqsdəli idi. Hamı da bunu gördü.

Alkapon elə benzinə bərabər materialdır. Binaya təhvil-təslim aktı veriləndə Fövqəladə Hallar Nazirliyi baxıb görmədimi ki, bu tezalışan materialdır? Niyə təhvilə buraxdılar? İkincisi, alkaponu ancaq köpüklə söndürmək mümkündür. Su tökdükcə yanğına kömək edir. Yanğın zamanı isə bir dənə də olsun köpük maşını gəlmədi”.

Direktor müavini dövlət orqanlarının araşdırma apardığını qeyd edib:

“Hazırda ancaq siyahıların hazırlanması, anbarlardakı malların çıxarlaraq ticarətçilərə təhvil verilməsi, onların ayrı-ayrı ticarət obyektlərində yerləşdirilməsilə məşğuluq. Yanan obyektləri təmizləyirik ki, yolu açaq. Obyekti, malı yananlarla dəfələrlə görüşmüşük. Onlar yerləşdirildikləri obyektlərdə 5 ay müddətinə icarəhaqqı ödəmədən çalışacaqlar. Hazırda kimə nə qədər zərərin dəyməsilə bağlı siyahı dəqiqləşdirilir. İnanın ki, mərkəzdə yeri olmayanlar da gəlib “filan qədər malım yanıb” deyir. Amma təbii ki, biz hamını tanıyırıq. Burada kimlərin fəaliyyət göstərdiyini də gözəl bilirik”.

Qeyd edək ki,  Kəmaləddin Heydərovun rəhbərliyi ilə keçirilən geniş Kollegiya iclasında  FHN-in Dövlət Yanğın Nəzarəti Xidmətinin rəisi, daxili xidmət general-mayoru İsrayıl Əliyev həmin obyektdə yanğın təhlükəsizliyi qaydalarının pozulmasına dair geniş məlumat verib.

İ.Əliyev bildirib ki, DYNX-nın əməkdaşları yanğına qarşı mövcud vəziyyəti müəyyən etmək üçün 2018-ci ildə obyektdə videoçəkiliş aparıblar. Həmin videonun müşayiəti ilə İ.Əliyev izah edib ki, obyekt yanğına qarşı su hovuzu və avtomatik yanğınsöndürmə qurğusu ilə təmin olunmayıb, obyektin elektrik təsərrüfatı Elektrik Qurğularının Quraşdırılması Qaydalarının tələblərinə cavab vermədən istismar olunub, obyektin təxliyə yolları müxtəlif əşyalarla tutulub və bununla da əraziyə sərbəst giriş-çıxış məhdudlaşdırılıb, obyektdə malların yığılması zamanı yanğına qarşı ara məsafələrinə riayət edilməyib, obyekt tüstü xaricəetmə və normativ sənədlərin tələblərinə uyğun ventilyasiya sistemləri ilə təmin olunmayıb, obyekt yanğına qarşı su hovuzu ilə təmin olunmayıb, obyektətrafı ərazi müxtəlif avtomobillərlə tutulub, onların xüsusi ayrılmış yerlərdə saxlanılmaqla hadisə zamanı yanğınsöndürmə avtomobillərinin sərbəst yaxınlaşması mümkün olmayıb.

İ.Əliyev qeyd edib ki, Dövlət Yanğın Nəzarəti Xidməti qanunvericiliklə müəyyən edilmiş səlahiyyətləri çərçivəsində “Diqlas” ticarət mərkəzində yanğın təhlükəsizliyi qaydalarının pozulması və bu pozuntuların aradan qaldırılmasının zəruriliyi ilə bağlı ticarət mərkəzinin rəhbərliyini və digər aidiyyəti şəxsləri dəfələrlə rəsmi şəkildə xəbərdar edib. Bütün müraciətlərə baxmayaraq, adı çəkilən ticarət mərkəzində yanğın təhlükəsizliyi qaydaları ilə bağlı pozuntular aradan qaldırılmayıb. Ümumiyyətlə, obyektin istismarı Dövlət Yanğın Nəzarəti Xidməti və Tikintidə Təhlükəsizliyə Nəzarət Dövlət Agentliyi ilə razılaşdırılmayıb.

Sonra çıxış edən Dövlət Yanğından Mühafizə Xidmətinin rəisi, daxili xidmət general-mayoru Füzuli Əsədov əlavə edib ki, obyektdə yanğın təhlükəsizliyi qaydalarının kobud şəkildə pozulması, obyektin su hovuzu və daxili su kranlarının işlək vəziyyətdə olmaması, yanğın hidrantlarının və su hovuzlarının uzaq məsafədə yerləşməsi, yanğınsöndürmə işləri üçün uzaq məsafədən (800, 1000 m) müxtəlif istiqamətlərdən suyun çəkilməsi, ərazidəki ticarət obyektlərinin sıx yerləşməsi və həmin obyektlərin yanğının sürətlə yayılmasına səbəb ola biləcək materiallarla üzlənməsi yanğının qarşısının vaxtında alınmasında böyük çətinliklər yaradıb. Buna baxmayaraq, görülmüş operativ və təxirəsalınmaz tədbirlər nəticəsində yanğının ətraf ərazilərə yayılması və daha böyük fəsadların qarşısı alınıb. Belə ki, “Diqlas” ticarət mərkəzinin zirzəmisinin mənfi 2 və 3-cü mərtəbələri (zirzəmi) içərisində olan mallarla birlikdə 5000 m2 sahədə, yaxınlıqda olan təsərrüfat malları bazarı 2 ha ərazidə, meyvə-tərəvəz bazarı 2,5 ha ərazidə və 3 mərtəbəli “Lotos” ticarət mərkəzi yanğından mühafizə olunub.

Nazir Kəmaləddin Heydərov “Diqlas” ticarət mərkəzindəki yanğınla bağlı yaradılmış istintaq-əməliyyat qrupuna bütün lazımi materialların verilməsinə dair aidiyyəti üzrə göstərişlər verib.

Çərşənbə, 03 Aprel 2019 01:02

Anar Cabbarov təcridxanaya köçürüldü

Yazan

Bir neçə gündür yeri məlum olmayan Müsəlman Birliyi Hərəkatının (MBH) üzvü Anar Cabbarov Kürdəxanı Təcridxanasına aparılıb.

Bu barədə məlumat A.Cabbarovun ailə üzvlərinə bu gün verilib:

"Ombudsman Aparatının əməkdaşı ailə üzvülərinə zəng vuraraq bildirib ki, Anar Cabbarov bu gün Kürdəxanı Təcridxanasına köçürüldü. 

Anarın Kürdəxanıya köçürülmə səbəbi guya Nardaran Hadisələri zamanı qaçıb gizlənməsi və indiyə qədər axtarışda olması olub.

Bu qondarma ittihamlarla bağlı vəkiliylə əlaqə saxladıq. Vəkil bildirdi ki, sabah özü gedib Anarla görüşəcək və tam ətraflı məlumatı verəcək."

YADDAŞ

İctimai fəal, MBH-nın üzvü Anar Cabbarovu Türkiyədə həbs edilərək Azərbaycana gətirilib.

Türkiyədə yaşayan Anar Cabbarov orada saxta ittihamla tutulub. Onu əvvəlcə sənəndlərində problem olması adı ilə polisə aparıb və qanunsuz olaraq 3 gün saxlayıblar. Daha sonra polis idarəsinə "naməlum" zəng gəlib və Anar Cabbarov polis bölməsindən Binkılıç Göç İdaresinə aparılıb.

Orada 4 gün saxlanaraq haqqında dəqiqləşmə aparıldığı və tezliklə buraxılacağı deyilib. Bu müddət ərzində Anar Cabbarovun vəkili dövlət idarələrindən dəqiq məlumat ala bilməyib. Martın 21-də Anar Cabbarovu Azərbaycanın İstanbuldakı Baş Konsulluğuna aparıblar. Orada səfirlik əməkdaşları ilə Türkiyə məmurları arasında qısa danışıq olub və A.Cabbarov yenidən Binkılıç Göç İdaresinə geri qaytarılıb.

Martın 22-də vəkili Anar Cabbarovla görüşə gedib və həmin vaxt şahidi olub ki, A.Cabbarovu yenidən Azərbaycanın İstanbul Baş Konsulluğuna aparırlar. Vəkilə deyilib ki, Anar Cabbarov bəzi sənədlərin dəqiqləşməsi üçün aparılır və bir neçə saata geri qaytarılacaq, daha sonra isə çox güman ki, azad ediləcək. Lakin Anar Cabbarov bir daha geri qaytarılmayıb, Türkiyə dövləti tərəfindən Azərbaycan Konsulluğuna verilib. Günorta saatlarında isə Anar Cabbarov Azərbaycana gətirilib.

Onu Baş Mütəşəkkil Cinayətkarlığa Qarşı Mübarizə İdarəsinə (Bandotdel) aparıblar.

Gənc fəalın apelyasiya şikayəti təmin olunmayıb
Mərhum prezident Heydər Əliyevin heykəlinə "Qul bayramınız mübarək!” şüarı yazdıqdan sonra narkotik ittihamıyla həbs olunub 10 il cəza alan, martın 17-də əfv sərəncamıyla azadlığa çıxan Bayram Məmmədov aprelin 2-də yenidən məhkəmə qarşısına çıxarılıb.
Bakı Apelyasiya Məhkəməsində onun şikayətinə baxılıb. Apelyasiya şikayəti Bayramın 30 sutka inzibati həbsi barədə Sabunçu Rayon Məhkəməsinin 30 martda çıxardığı qərardan verilib.
Apelyasiya şikayətinə hakim Namiq Məmmədov baxıb. Məhkəmədə öncə vəkil Elçin Sadıqov çıxış edərək, hüquqlarını müdafiə etdiyi şəxsin günahsız, onun haqqındakı məhkəmə qərarının isə əsassız olduğunu bildirib:
"Bayram Məmmədov heç bir inzibati xəta törətməyib. Məhkəmə bir polisin tərtib etdiyi raporta əsaslanıb. O polis də dindirilməyib. Heç bir əsas olmadan Bayram Məmmədov İnzibati Xətalar Məcəlləsinin 535.1 maddəsilə - polisə müqavimətdə təqsirli bilinib. Halbuki, ortada heç bir sübut yoxdur”.
B.Məmmədovun martın 17-də əfv fərmanıyla azadlığa buraxıldığını, ondan sonra da sosial şəbəkələrdə yazdığı status və müsahibələrinə görə təqiblərə məruz qaldığını deyən vəkilin sözlərinə görə, gənc fəal dəfələrlə profilaktik söhbət bəhanəsilə polis bölməsinə çağrılıb:
"Sonuncu dəfə 12-ci bölməyə atasıyla gedib. Oradan onu Sabunçu Rayon Polis İdarəsinə aparmaq adıyla çıxarıb, birbaşa məhkəməyə aparıblar”.
Vəkil deyir ki, aprelin 1-də Bayramla görüşmək üçün inzibati qaydada həbs olunanların saxlandığı Binəqədi təcridxanasına getsə də, görüşməyə imkan verməyiblər. Müdafiəçi Bayram Məmmədovun işgəncəyə məruz qalmasından da danışıb, onun üzərindəki xəsarət izlərini hakimə göstərib: "Burnunun üstündə, sağ gicgahında, dizlərində xəsarət izləri var. Qulağına baxın, görün nə günə qoyublar... Xahiş edirəm, bu xəsarətlərlə əlaqədar ekspertiza təyin olunsun. Qanunda da yazılıb ki, işgəncə şikayəti varsa, məhkəmə qərar qəbul edib, şikayəti araşdırılması üçün prokurorluğa göndərməlidir”.
Elçin Sadıqov çıxışının sonunda Bayram Məmmədovun 30 sutka inzibati həbsi barədə qərarın ləğvini istəyib.
Bayram özü də çıxış edib. O bildirib ki, həbsdən buraxıldığı günün ertəsi artıq onu polis bölməsinə çağırıb, xəbərdarlıq etmişdilər: "Martın 17-də azadlığa buraxıldım. Ayın 18-də məni 12-ci polis bölməsinə çağırdılar. Sonra Sabunçu Rayon Polis İdarəsinə apardılar. Orada bir qrup şəxs məni sorğu-suala tutdu ki, neyləmək istəyirsən, fikrin nədir? Mən də danışdım. Mənə dedilər ki, "sənin başın ağrıyacaq”. Əvvəldən də mənə belə xəbərdarlıq eləmişdilər, hələ həbsdən əvvəl. Həmin gün buraxdılar, sonra yenə çağırırdılar, eyni şeylər təkrarlanırdı. Ayın 30-da yenə çağırdılar. Bu dəfə Sabunçu məhkəməsinə aparıb 30 sutkalıq qərarı aldılar. Məhkəmədən Binəqədi təcridxanasına apardılar. Orada əl-ayağım bağlı vəziyyətdə, diz üstündə oturtdular, döydülər. Mən işgəncəyə öyrəşmiş adamam. Məni döyənlərdən ikisi buradadır (onu məhkəməyə gətirən iki nəfəri göstərir). Belə adamların üzünü yadımda saxlayıram”.
Hakim:
- Sən neylədin ki, səni döydülər?
- Əvvəla, adamı döyməzlər. İkincisi də, heç nə eləməmişəm. Bayram Məmmədov heykəl məhbusudur – hər şeyi deyir bu.
Bayram Məmmədov bildirib ki, onu şillə-təpiklə döyüblər. O, üzündəki xəsarətləri də hakimə bir daha göstərib: "Məni rezin kameraya salıb, bir sutka əl-ayağım qandallı vəziyyətdə saxladılar. Kameradan çıxarıb döyürdülər. Deyəsən, təcrübəsiz idilər, üzümə vurdular, izi qaldı”.
Bayram Məmmədovun apelyasiya şikayəti təmin olunmayıb, onun 30 sutkalıq həbsi barədə Sabunçu Rayon Məhkəməsinin qərarı qüvvədə saxlanılıb. Lakin işgəncə şikayətinin araşdırılması üçün prokurorluğa göndərilməsi barədə qərar çıxarılıb.
6 -dən səhifə 220