Ukraynada prezident seçkilərində səsvermə başa çatıb, səslərin sayılmasına başlanılıb. 

Rəsmi nəticələr hələlik məlum olmasa da, "exit-poll"un nəticələrinə əsasən, komediya ustası Vladimir Zelenski 30,1% səslə irəlidədir. 

İkinci yerdə 18,5% səslə hazırki prezident Petro Poroşenko, üçüncü yerdə isə 14% səslə sabiq baş nazir Yuliya Timoşenko gəlir. 

Beləliklə, "exit-poll"un nəticələrinə əsasən, Vladimir Zelenski və Petro Poroşenko ikinci tura keçir. 

Lakin Y. Timoşenko "exit-poll"un rəyi ilə razılaşmayıb, nəticəslərin saxtalaşdırıldığını iddia edir. O, ikinci tura V. Zelenski ilə özünün keçdiyini bildirib. 

Bu gün 31 Mart Dünya Azərbaycanlılarının Soyqırım Günüdür.

Bu münasibətlə bütün kanallar əyləncəli verilişləri yığışdırsa da, “Space” kanalı əksinə, “Ad günü” adlı musiqili-əyləncəli proqram nümayiş etdirib. Vətəndaşlar isə buna etiraz edərək sosial şəbəkələrdə kanal rəhbərliyini, həmin verilişdə iştirak edən müğənniləri tənqid edib.

Məsələ ilə bağlı bizimyol.info-ya açıqlama verən “Space” telekanalının vitse prezidenti Kamil Şahverdiyev telekanalın yayımında dəyişiklik etdiklərini, insanların əhval ruhiyyəsini qaldırmaq istədiklərini bildirib.

“Proqram bügünə uyğun hazırlanmışdı.Veriliş canlı olmayıb, əvvəlcədən çəkilmişdi. Bu gün üçün çəkilmiş proqram idi. Müğənnilər oxudular, biz düşündük ki, bu günü ağlaşma üzərində də qurmaq olmaz.Bir az millətin ruhunu qaldırmaq lazımdır.”

Qeyd edək ki, Mikayıl Güləddinoğlunun aparıcılıq etdiyi verilişdə mərhum müğənni Məhəbbət Kazımovdan bəhs edilib.

Əməkdar artistlər Yusif Mustafayev, Cavanşir Məmmədov, müğənnilər Nazənin Rühəngiz Musəvi və başqaları proqramda mahnılar səsləndirib.

Çərşənbə, 27 Mart 2019 22:21

Hamlet İsaxanlının quruyan "Xəzər"i...

Yazan

Xəzər Universitetinin sahibi Hamlet İsaxanlı həmin Universitetin müəllimi Mail Yaquba 160 manat əməkhaqqı verdiyinə görə adı çəkilən müəllim istefa vermişdir.

Onun istefasını İsaxanlı ikrah doğuracaq, rektora xas olmayan formada şərh etmişdir. Özəl ali məktəblər içərisində yüksək təhsil haqqı ilə seçilən "Xəzər” universitetinin Oteli üzə çıxdıqdan sonra isə Hamlet müəllim bəyan etdi ki, Otel onun deyil, universitetindir. Universitetin Otelinin olmasının zəruriliyini vurğulayanlar oldu. Mən də buna etiraz etmirəm. Ancaq bundan əvvəl Universitetin yaxşı laboratoriyaları, auditoriyaları, yüksək səviyyəli professor-müəllim heyəti, kampusu, yataqxanası olmalıdır. "Xəzər” universitetini ölkədə analoqu olmayan Universitet kimi təqdim edirlər, ətrafında mif yaradırlar. Doğurdanmı belədir? Bəs Əlahəzrət fakt nə deyir. "Abituriyent” juranalını 12-ci sayında göstərilir: 2017/18 tədris ilində bu Universitetin magistratura səviyyəsinə 214 plan yerinə cəmi 81 nəfər (37,8%) qəbul olunub. 81 məzunun cəmi 9 nəfəri (11,1 faizi) bu ali məktəbin bakalavr pilləsini bitirənlərdir. Müqayisə: Odlar Yurdu Universitetinin magistratura pilləsinə daxil olan 165 tələbənin 11 nəfəri öz məzunu, Bakı Biznes Universitetinə daxil olan 55 magistrin 18 nəfəri öz məzunudur. "Xəzər” Universiteti Tələbə yataxnasında hər tələbəyə ayda 150 manat pul alır. Əslində bu məbləğ ödənilən təhsil haqqına aid edilməli idi. İkinci soyğunçuluq da budur. Universitetlərin yaranma tarixindən bəllidir ki, Universitet yaradıcıları bu işə qol qoyanda şəxsi qazancı göz önünə gətirmirlər. İsaxanlı nümunəsində Universitet şəxsi qazanc yeridir və sanki bu belə də olmalıdır.

Bu Universitetin Xaricdən müəllim dəvət etmək adı ilə cəlb etdiyi müəllimlərin əsas kontingentini iranlılar təşkil edir. Bunun əks effekti də olur. Məsələn, Hamlet İsaxanlı iranlı Nüsrətullanın biabırçılıqla qovulmasının səbəbini deyə bilərmi? Birmənalı olaraq iranlıları və magistrləri dərs prosesinə ucuz işçi qüvvəsi kimi cəlb edirlər. Başqa sözlə tələbə başı qatırlar! Bu Universtetdə müəllimlərin böyük əksəriyyəti saathesabı çalışırlar. Şəxsi qazanc gözlərini elə tutub ki, ştata müəllim götürməyi ciblərinə ziyan vurmaq kimi başa düşürlər. Universitetlərin Dünya reytinqlərində ştatda olan müəllimlərin sayı göstəricisi də mühüm rol oynayır. Hamlet müəllim deyə bilərmi ki, qazanılan milyonlar hesabına indiyə qədər Təbiət elmləri və mühəndislik fakültəsində neçə müasir laboratoriya qurulub? Bunu biz təhsil ekspertləri və media nümayəndələrinə göstərə bilərmi? Universitetin müəllim heyəti ilə İctimaiyyəti tanış edə bilərmi? Son illərdə Universitetin 7-8 tanınmış müəllimi hansı səbəbdən Universiteti tərk edib? Bunun izahını verə bilərmi? Tanınmış müəllimlərdən biri Yay məzuniyyətinin pulu ödənilmədiyi üçün Universiteti tərk edib, bəs qalanları? Təhlillərimiz göstərir ki, "Xəzər”Universitetin Pedaqoji ixtisaslar üzrə məzunlarının Təhsil nazirliyinin keçirdiyi müəllimlərin işə qəbulu imtahanlarındakı nəticələri də çox aşağı səviyyədədir.

Dövlət Qulluğuna keçirilən İmtahanlarda "Xəzər" Universitetinin 20 məzunundan 6 nəfər (30 faiz) tələb olunan balı toplayıb.

Hamlet müəllim! Sonuncu sualıma necə, cavab verə bilərsinizmi? Həyat yoldaşınızın rəhbərlik etdiyi "Dünya” məktəbinə indiyə qədər 10.000 manatı olmayan neçə istedadlı uşaq qəbul edibsiniz?

Yenə "Abituriyent" jurnalına müraciət edək: 600-dən yuxarı bal toplayan şagirdlərin sayına görə 81 Orta ümumtəhsil məktəbi və liseylərin içərisndə Xəzər Universitetinin "Dünya” məktəbinin adı yoxdur. Soruşmaq ayıb olmasın, orada nə işlə məşğul olurlar.

Bütün bunlar bir yana... Məktəbin reklamında göstərirlər ki, "DÜNYA" Məktəbi Azərbaycan Respublikasının Prezidenti cənab İlham Əliyev tərəfindən 2012-2013 – cü tədris ilində "İlin ən yaxşı məktəbi” adına layiq görülmüşdür. Prezident İlham Əliyev ayrıca hansısa məkəbə "İlin ən yaxşı məktəbi” adını vermir. Bu müsabiqə əsasında müəyyənləşir və həmin tədris ilində 50 məktəb içərisinə bu məktəbi də daxil ediblər və siyahıda 29-cu yerdədir.

Etibar Əliyev
Təhsil eksperti, fəlsəfə doktoru

55501507 2232040057035361 3742756800928153600 n

Səfər etdiyi Türkiyədə İslamı qəbul edərək müsəlman olan amerikalı müğənni Della Mayls yeni açıqlama verib.

 “Ölkə.Az” xəbər verir ki, Mayls İstanbulda keçirilən bir tədbirdə iştirak edib.\

Mayls tədbirə dəvət edildiyi üçün təşəkkür edib və deyib: “Aldığım qərar məni sakitçiliyə qovuşdurdu. Allah məni İslamla mükafatlandırdı”.
Mayls sözlərinə belə davam edib:

“Növbəti görüşümüzdə sizlə türkcə danışmaq istəyirəm. Hazırda dərs alıram və qısa müddət ərzində bunun öhdəsindən gələcəyimi düşünürəm”.

Almaniyada “müsavatçılara“ qarşı cinayət işi açılıb

Almaniyada “müsavatçılara“ qarşı cinayət içinin açılması haqqında iddialar var. Bu barədə bəzi şayiələr dolaşsa da,

Müsavat AKM-in keçmiş Məclis üzvü və Bavariya koordinatoru Zakir Ağayev facebook səhifəsində status yazıb.

Xeberinfo.de həmin statusu olduğu kimi təqdim edir:

“Müsavat üzvlәrinә qarşı Almaniyada açılan cinayәt işindәn sonra Avropada Müsavat Partiyasına, onun verdiyi vәsiqә vә arayışlara qarşı inam deyәsәn itib. Son günlәr Avropadakı Müsavat üzvlәrinin müvafiq qurumlardan aldıqları mәktublar bunu demәyә әsas verir. Bu haqda aşağıda yazacağam. Mәsәlә tәk bu deyil. Azәrbaycan hakimiyyәti son dövrlәr Avropaya özünün vә Rusiya kәşfiyyatına xidmәt edәn agentlәri yerlәşdirib. Deyilәnә görә, bәzi quqrumlara bәlli olub ki, bu şәxslәrin әksәriyyәti Müsavat vәsiqә vә arayışları ilә oturum alanlardı. Yәni partiya bilәrәkdәn, yaxud bilmәyәrәkdәn bu işdә hakimiyyәtә yardım edib. Belә vәziyyәtdә qurunun oduna yaş da yanır.

Son iki hәftәdә Avropada sığınacaq istәyәn bir neçә müsavatçı rәsmi qurumlardan mәktub alıb ki, tәqdim etdiyiniz vәsiqә vә arayış hәqiqiq deyil. Onların içәrisindә tanıdığım hәqiqi müsavatçılar da var. Yәni yüz faiz hәqiqi müsavat vәsiqәsi tәqdim edәnlәr. Bu çox pis haldan xәbәr verir. Belә çıxır ki, yalnız mühacirәt üçün vәsiqә vә arayış alan saxtakar müsavatçıların oduna әsl müsavatçılar da yanacaq. Hәlә bu saxtakarların içәrisindә hәqiqәtәn dә agent varsa mәsәlә daha da qәlizlәşәcәk. İndiyә kimi müsavat adıyla oturum alanların belә işlәrinә yenidәn baxılacaq. Mәlumata görә, artıq müsavat adıyla oturum alan әn az bir nәfәr işinә yenidәn baxılacığıyla bağlı mәktub alıb. Belә. Hәqiqәtәn dә çox pis vәziyyәt yaranıb“.

55803468 401615720415689 9205876805402099712 n

Çərşənbə, 27 Mart 2019 01:49

Azərbaycan əsgəri Şəhid oldu

Yazan

Ermənistan silahlı qüvvələri cəbhənin müxtəlif istiqamətlərində təxribatlara əl atıb.

Müdafiə Nazirliyi xəbər verir ki, martın 26-da gün ərzində Ermənistan silahlı qüvvələrinin bölmələri cəbhənin müxtəlif istiqamətlərində təxribatlara əl atıb.

Axşam saatlarında düşmən tərəfindən bölmələrimizin mövqelərinin atəşə tutulması nəticəsində cəbhənin Füzuli rayonu istiqamətində Azərbaycan Ordusunun hərbi qulluqçusu, Qazax rayon Yuxarı Salahlı kəndindən hərbi xidmətə çağırılan Əlləzov Əlləz Ələddin oğlu Şəhid olub.

Müdafiə Nazirliyinin rəhbərliyi şəhidin əzizlərinə və yaxınlarına dərin hüznlə başsağlığı verir və səbr diləyir!

Eyni zamanda Ermənistan mətbuatı Ermənistan-Azərbaycan dövlət sərhədində Azərbaycan tərəfinin guya mühəndis işləri həyata keçirməklə mövqeləri irəli çəkmək cəhdi barədə xəbər yayıb.
Rəsmi olaraq bildiririk ki, verilən bu məlumat həqiqətə uyğun deyil, Ermənistan tərəfinin növbəti təxribatıdır və cəbhədə vəziyyəti gərginləşdirmək məqsədi daşıyır.

Azərbaycan Ordusu bölmələrinin qəti və adekvat tədbirləri nəticəsində düşmənin atəş nöqtələri susdurularaq onun növbəti təxribatlarının qarşısı alınıb.

Hazırda cəbhə xəttində vəziyyət bölmələrimizin tam nəzarəti altındadır.

1968-ci il təvəllüdlü, Samux Rayonu Ziyadlı kənd sakini Bayramov Rauf Fazil oğlu 2018-ci il iyul ayının 23-də saxlanılıb. Onu və oğlu Hüseyn Bayramovu iyulun 10-da Gəncə İcra Hakimiyyətinin qarşısında baş verən aksiyalarla bağlı həbs ediblər. 

Övladının vetenugrunda.az-a verdiyi xəbərə görə, onu Gəncə şəhərindəki Nizami Rayon Polis İdarəsində saxlayıblar: "Atama çox ağır işgəncələr veriblər. Atam qan qusdurana qədər döyüblər. Əllərini, bədənini "toka" veriblər, barmaqlarını məngənənin arasında sıxıblar. Baş Prokurorluğun Ağır Cinayətlərə dair İstintaq İdarəsinin müstəntiqi Orxan Babayev atama etmədiyi işləri etiraf etdirmək, özlərinin yazdıqları ifadələrə imza atdırmaq üçün ağlasığmaz işgəncələr verdirib. Atama elə işgəncələr, elə təhdidlər, təhqirlər olub ki, hətta biləklərini kəsiblər. Atam qanlar içində imza atıb bütün ifadələrə. Atam 21 maddə ilə ittiham edilir."

Müstəntiq Orxan Babayev

Qeyd edək ki, Rauf Bayrmovun oğlu 1997-ci il təvəllüdlü Hüseyn Bayramov da şərlənərək həbs edilib: "Qardaşım Hüseyn sentyabrın 1-də saxlanılıb. Qardaşıma atamdan daha betər işgəncələr verilib. Müstəntiq Orxan Babayev qardaşımı hədələyib deyib ki, "əgər ifadəyə qol çəkməsən səni pəncərədən atacam yerə, öldürəcəm, deyəcəm intihar etdi". Qardaşımı dubinka ilə o qədər döyüblər ki bütün bədənində dərin yaralar əmələ gəlib".

Bayramovların yaxınları deyir ki, Gəncə şəhəri Nizami Rayon Polis İdarəsinin rəisi Ədalət Sadıqovun ata və oğula qarşı daha dəhşətli davranışı ilə yadda qalıb.

Polis rəisi Ədalət Sadıqov

Rauf Bayramovun yaxınları deyir ki, onu Gəncədən Bakıya, Baş Mütəşəkkil Cinayətkarlıqla Mübarizə İdarəsinə ("bandotdel") gətiriblər. Bu idarədə işgəncələr davam edib.

Fevralın 28-də Sabunçu Rayon Məhkəməsində Gəncə Ağır Cinayətlər Məhkəməsinin hakimi Natiq Əliyevin sədrliyi ilə başlayan proses davam edir.

Rauf Babayev

Hüseyn Bayramov

Bayramov Hüseyn Azərbaycan Respublikasının Cinayət Məcəlləsinin 120.2.1 (120.2.1. bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürmə;), 120.2.3 (120.2.3. zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özünü və ya yaxın qohumlarını öldürmə;), 120.2.7 (İki və ya daha çox şəxsi öldürmə),120.2.10 (120.2.10. təkrar adam öldürmə), 29, 120.2.11 (120.2.11. quldurluq, hədə-qorxu ilə tələb etmə, terrorçuluq və ya banditizmlə əlaqədar adam öldürmə;), 29, 120.2.1, 214.2.1, 214.2.3, 214.2.6, 220.1, 228.3, 228.4, 234.4.1, 234.4.3, 277, 278.2, 279.1-1, 281.2, 315.2-ci maddələri ilə, atası Bayramov Rauf isə 120.2.10, 120.2.11, 29, 120.2.1, 29, 120.2.3, 29, 120.2.7, 234.4.1, 234.4.3, 277, 278.2, 279.1-1, 281.2, 315.2-ci maddələri ilə ittiham edilib.  

Növbəti məhkəmə iclası aprelin 4-nə təyin edilib.

YADDAŞ

2018-ci il iyulun 10-da Gəncədə İcra Hakimiyyətinin önündə baş verən olaylarla bağlı 200-ə yaxın insan həbs edilib. Onlardan bəziləri 30 sutka inzibati cəza ilə cəzalandırılıb. Lakin adının çəkilməsini istəməyən bu adamlar hətta 30 sutka ərzində hər gün dəhşətli işgəncələrə məruz qaldıqlarını bildirir. Onlar təqdim edilən ifadəyə imza atmaları üçün döyülüblər. İfadəyə imza atdıqdan sonra isə 30 sutkalıq cəzalarını çəkiblər.

Amma 76 nəfərə yaxın şəxs məhkəmə qarşısına çıxarılıb. 76 nəfərin məhkəməsi Gəncə Ağır Cinayətlər Məhkəməsində və Sabunçu Rayon Məhkəməsində aparılır.

Sabunçu Rayon Məhkəməsində 3 qrupa hökm oxunub.

Hazırda məhkəmədə digər qrupların işinə baxılır.

 

Çərşənbə axşamı, 26 Mart 2019 19:48

Türkiyədə hava limanında atışma

Yazan

Türkiyənin Kayseri şəhərinin hava limanında silahlı insident baş verib.

Polis məmuru Eyyub. B həmkarı Əli.A.-ya tapançadan 3 dəfə atəş açıb. Daha sonra o, eyni silahla özünü öldürməyə cəhd edib.

Hər iki polis ağır yaralı halda xəstəxanaya çatdırılıb.

Hadisə bu gün  yerli vaxtla saat 16:20-də, hava limanının daxili uçuşlar bölməsində baş verib.

İlkin məlumata görə, polislər arasında şəxsi zəmində münaqişə yaşanıb və onlardan biri digərini vurduqdan sonra, özünü də öldürmək istəyib.

Hadisə ilə bağlı hava limanında təhlükəsizlik tədbirləri  gücləndirilib.

Araşdırma aparılır.

Bakının 8 km deyilən ərazisində tamamilə yanıb külə dönən "Diqlas” ticarət mərkəzinin kimə məxsus olması ilə bağlı müxtəlif versiyalar səslənir. 
Sosial şəbəkələrdə həmin obyektin sahibi olması ilə bağlı hazırda yüksək postda çalışan bəzi adamların adı hallandırılır. 
 Ən inandırıcı və daha çox səslənən versiyalardan biri budur ki, həmin ticarət mərkəzinin sahibi ləğv edilmiş MTN-in sonuncu rəhbəri Eldar Mahmudovun oğlu Anar Mahmudovdur. 
 Azinforum.az xəbər verir ki, həmin obyektin şəriklərindən biri həqiqətən də Eldar Mahmudovun oğludur. Ancaq bildirilir ki, "Diqlas”ın heç də bütün səhmləri Anar Mahmudovun əlində deyil. Həmin obyektin rəsmi şəriklərindən biri də Şahmar Vəliyev adlı iş adamıdır. 
 Şahmar Vəliyev Gəncənin sabiq icra başçısı Elmar Vəliyevin və hərbi prokuror Xanlar Vəliyevin qardaşıdır. 
 Son ana kimi həmin ticarət mərkəzinə rəhbərliyi Şahmar Vəliyev tərəfindən təyin olunan Rasim Məmmədov adlı şəxs edib. 
 Rasim Məmmədovun keçmiş polis işçisi olduğu bildirilir. 
 Şahmar Vəliyevin bu obyektə şəriyliyinin 2016-cı ildən sonra başlandığı bildirilir.
Çərşənbə axşamı, 26 Mart 2019 18:53

Soğanın qiyməti niyə qalxdı?

Yazan

Novruz bayramı ərəfəsində Azərbaycan bazarlarında meyvə-tərəvəzin qiymətində artım oldu. Daha çox diqqəti çəkən isə soğandır. Son üç həftədə onun qiyməti iki dəfə artıb. Ölkənin əvvəllər bu bol və ucuz məhsulu ilə bağlı nə baş verib, qiymət artımına nə təsir edib?

İmişlidəki məhsul bazarında söhbətləşdiyimiz satıcı Əjdər İsmayılov deyir ki, soğanın bahalanmağının bayramla əlaqəsi yoxdur: "Ötən ilin yayında kiloqramı 20 qəpik idi. Payızdan başlayaraq qiymət tədricən qalxdı. İl başlanandan ta martın əvvəlinədək 50-70 qəpik arasında satılırdı. Novruz bayramı günlərində qəfildən 1 manat oldu.

Bahalaşma bundan sonra da davam etdi. Hazırda, soğanın qiyməti 1 manat 20 qəpik ilə 1 manat 50 qəpik arasında dəyişir. Çünki topdan alış qiyməti 1 manat 10 qəpik olub. Bazara az mal çıxarılır. Buna görə deyilən qiymətə almalı oluruq".

Ağdamlı fermer: "Dövlət dəstək versə…"

Ağdamın Xındırıstan kəndində yaşayan Bəxtiyar Cəfərov hesab edir ki, xaricə daşındığından daxili bazarda soğan azalıb: "Dünyanın 50-dən çox ölkəsini Türkiyə soğanla təmin edirdi. Bu il nə səbəbdənsə Türkiyədə bu məhsul qıt oldu. Nəticədə Türkiyəli iş adamları Azərbaycana üz tutdu. Bundan əlavə, Rusiyaya, Ukraynaya, Belarusa, Gürcüstana, hətta Yunanıstana qədər bizim soğanımız daşındı. İndi ölkənin özündə soğana ehtiyac var. Hazırda əldə olan məhsul tələbatı ödəmir".

​Fermer deyir ki, ilin əvvəlində qiymət ucuz olub: "Yazlıq soğanın bir kiloqramının qiyməti 6 qəpiyə düşürdü. 35 kiloqramlıq kisəni 2 manat 20 qəpiyə qəbul edirdilər. Əvvəl çəkilən xərclər qalsın bir yana, hazır məhsulun sahədən yığımı, qablaşdırılması və daşınması üçün elə bu qədər pul çıxırdı. Ona görə mayda 14 hektar sahədəki soğanımı heç çıxartmadım, torpaqda qalıb batdı.

Soğanda məhsuldarlıq var, bir hektardan 80 ton götürmək olur. Amma yaxşı qiymətə satmaq üçün gərək saxlayasan. Bunun da riski var. Soğanın qiyməti noyabrdan sonra qalxmağa başladı".

B.Cəfərov bildirir ki, ötən ilin məhsulundan kisələrdə soğan saxlayıb. Yanvarda türkiyəli iş adamlarına kisəsini 16 manata satmaqla 70 min manat pul əldə edib. O, çəkdiyi xərcləri və bəzi zərərlərini örtməklə yanaşı, gəlir də götürdüyünü deyir: "Təsəvvür edin, soğan bol, qiymət isə ucuz olsaydı, bu qədər məhsul çürüyüb gedəcəkdi, böyük məbləğdə zərərə düşəcəkdim. Uzun müddətə qala bilən soğanın maya dəyəri baha başa gəlir. Ergi düzündə torpağın 1 hektarını 1000, hətta bəzi ərazilərdə 1500 manata icarəyə götürürük. Əkinlər damla üsulu ilə suvarılır.

Xaricdən gətirilən gübrə və dərmanlardan istifadə edirik. İşçi qüvvəsi çalışır. Bütün xərcləri hesablayanda məhsulun bir kiloqramı 14 qəpiyə başa gəlir. İmkanı olmayanlar onu dəyər-dəyməzinə satmağa məcbur olur. Bu şərtlər altında Ağdam ölkənin soğana olan tələbatının yarıdan çoxunu ödəyir. Dövlət dəstək versə, ixrac imkanları yaradılsa, daha yaxşı olar".

"Hər 5-6 ildən bir soğanın bahalaşması olur"

Amma Ağdamın Ergi kəndində yaşayan başqa bir fermer- Qurban Rüstəmov ixracla bağlı deyilənlərlə razılaşmır. O, bildirir ki, soğanın bahalaşmağı az məhsul istehsalı ilə bağlıdır: «Ötən il yay çox isti və quraq keçdi. Həm də soğanın xəstəlikləri baş qaldırdı.

Dədə-baba qaydasında əkənlər yüksək məhsuldarlıq əldə etməsələr də, ziyana da düşmədilər. Amma boru ilə suvarılan əkinlər məhv oldu. İndi anbarlarda çox az soğan qalıb. Azaldıqca da qiymət qalxır. İlk dəfə deyil ki, belədir. Hər 5-6 ildən bir soğanın bahalaşmağı olur. Elə illər də var ki, soğan bol olur, alıcı tapılmır və məhsul əlimizdə qalıb çürüyür".

Nazirliyin gözləntisi özünü doğrultmadı

Ötən ilin sentyabrında Kənd Təsərrüfatı Nazirliyi soğanın əvvəlki illərdəkindən daha çox əkildiyini, yüksək məhsuldarlıq gözlənildiyini açıqlamışdı. Komersant.az-ın məlumatına görə, qurumun sektor müdiri Səfəralı Nəsirov bu göstəricilərə əsaslanaraq soğanın qiymətinin artacağını gözləmədiklərini bildirmişdi.

Ekspert: "Soğanın qiymətini qaldıran pis idarəçilikdir"

Kənd təsərrüfatı mütəxəssisi Vahid Məhərrəmov statistika ilə real vəziyyətin uzlaşmamasına diqqət çəkir: "Rəsmi açıqlamaya görə, ölkənin illik tələbatından 70 min ton çox soğan istehsal edilib. Bu məhsulun ixracının isə 40 min ton olduğu bəyan edilib. Bu statistik göstəricilərə görə, belə kəskin qiymət artımı yaranmamalı idi. Görünür, ya istehsal şişirdilib, ya da ixrac azaldılıb. Bazar isə güzgüdür və soğanın qıt olmağını göstərir".

Mütəxəssisə görə, ərzaq təhlükəsizliyi ilə bağlı dövlətin görməli olduğu tədbirlər də hiss olunmur: "Kənd təsərrüfatı məhsullarının istehsalını və emalını stimullaşdırmaq, belə məhsulların dövlət sifarişi ilə satın alınmasını təşkil etmək üçün illər öncə səhmdar cəmiyyət yaratmışdılar. Bundan fermerlərə fayda, bazara təsir olmayıb.

Nəticədə elə keçən il məhsul yetişən vaxt Ağdamda soğan, Gəncəbasarda kartof, Qubada alma, Balakəndə xurma çürüyüb getdi. Bir il sarımsaq baha olur, o biri il soğan. Yəqin ki, gələn il də digər meyvə və tərəvəzdə bu hal müşahidə ediləcək. Soğanın qiymətini qaldıran qıtlıq yox, pis idarəçilikdir".

Ekspertin bu açıqlamasına, hələlik, Kənd Təsərrüfatı Nazirliyi və başqa əlaqəli qurumlardan münasibət almaq mümkün olmayıb.

Bəzi alıcılar isə deyirlər ki, "İndi soğanın tək özü yox, qiyməti də göz yaşardır…".(azadlig.org)

7 -dən səhifə 220