Almaniyada yaşayan Murad Mirzəyevin ailəsinə təzyiqlər olur. Bu barədə M.Mirzəyev özü məlumat verib.

O, Azərbaycan siyasi hakimiyyətini tənqid etdiyi üçün ailəsinə təzyiqlərin olduğunu deyir: “Hər şey Berlin mitinqindən sonra başladı. İlk dəfə qardaşım Bəxtiyar Mirzəyev fevral ayının 10-da icra nümayəndələri tərəfindən təhdid olunub. Sonra atam Mirzəyev Rahibi iş yerindən polis şöbəsinə aparıblar və təhdid ediblər. Təhdidlər fevralın 23-də də davam edib, atamı işdən çıxaracaqları ilə hədələyiblər. Hətta bacım üçün universitetdə ciddi problemlərin yaradılacağını bildiriblər. Bu hədədən sonra atamı həbs edəcəkləri ilə qorxudublar”.