Gənclər “mavi balina” oyununun qurbanlarıdır
Yadınzdadırsa, bir neçə gün əvvəl Şamıxa rayonu Ovculu kəndində Müzadil Alıyev adlı nişanlı bir gəncin özünə qəsd etməsi ilə bağlı məlumat yayılmışdı. Xəbərdə bildirilirdi ki, gənc maddi vəsait problemi səbəbindən Novruz bayramı ilə əlaqədar nişanlı olduğu qızın evinə bayram sovqatı apara bilmədiyi üçün yaşadığı evin həyətindəki yardımçı tikilidə özünü kəndirlə asaraq intihar edib. Xeber.İnfo-a etibarlı mənbədən daxil olan məlumata görə, intiharın səbəbi maddi sıxıntı deyilmiş. Mərhum M.Alıyev “mavi balina” oyununun qurbanı olub. Mənbə bildirir ki, təkcə Müzadil bu oyunun qurbanı olmayıb. Onun intiharından 3 gün sonra başqa bir gənc eyni üsulla intihar edib. Hər iki gənc intihar etdikləri gün heç nə yeməyiblər və ancaq mobil telefonları ilə məşğul olublar. İntihar hadisəsindən sonra gənclərin mobil telefonlarına baxış zamanı məlum olub ki, telefonlar format olunub, bütün əlaqələr və proqramlar silinib.
Mənbə, intihar edən gənclərin kifayət qədər imkanlı olduqlarını bildirir.