Almaniyada Köln şəhərinə gedən sürətli qatar qəfil alışaraq yanıb. AzEuroNews.com xəbər verir ki, hadisə Frankfurtdan Köln şəhərinə gedən sürətli qatarda (ICE) baş verib. Belə ki, içində 510 sərnişinin olduğu sürətli qatarın ön vaqonlarından biri qəfildən alovlanıb. Sərnişinlər dərhal təxliyyə olunub, hadisə yerinə yanğınsöndürənlər gəliblər. Yanğın qısa zamanda söndürülsə də, vaqonlardan biri tamamilə yanaraq kül olub. 

Xoşbəxtlikdən yanğın nəticəsində xəsarət alan olmayıb.

Yanğınla bağlı Siqburq və Montabaur şəhərləri arasındakı qatar reysləri dayandırılıb, A3 avtobanında uzun tıxac meydana gəlib.