Birinci Qarabağ savaşında döyüşən polis əməkdaşları Azərbaycan Respublikasının müdafi naziri Zakir Həsənova müraciət ediblər. Bu barədə Xeber.İnfo-a məlumat daxil olub. Xeber.İnfo həmin müraciəti təqdim edir:
"Hörmətli nazir, cənab Zakir Həsənov
Bu gün Azərbaycanın güclü ordusu Sizin rəhbərliyinizlə işğal olunmuş Qarabağımızın düşmən tapdağından azad olması naminə canından, qanından keçərək uğurla irəliləyir. Bu mübarizədə əldə etdiyimiz uğur ölkə rəhbəri Prezident İlham Əliyevin beynəlxalq aləmdə erməni işğalına qarşı illərlə apardığıı güzəştsiz mövqeyinin, siyasi iradəsinin və qətiyyətinin nəticəsidir. Azərbaycan xalqı dövlət başçımız, Ali Baş Komandanın ətrafında sıx birləşmişdir. İgid, cəsur qəhrəman zabit və əsgərlərimiz erməni vandallarını buxovlayaraq işğal olunmuş torpaqlarımızı anbaan azad edir. Xalq sevinc içindədir və güclü ordumuzun qələbəsini alqışlayır.
Cənab Nazir, hazırda təqaüddə olan, lakin ilk Qarabağ savaşında döyüşlərdə iştirak etmiş təcrübəli polis əməkdaşlarının sizə müraciət etməkdə məqsədi torpaqlarımızın hər qarışı üçün canından keçməyə hazır olan əsgərlərimizlə bir səngərdə olmaq və döyüş tapşırıqlarını şücaətlə yerinə yetirməkdir. Biz -14 tağımın döyüşçüləri, komandirimiz baş leytenant Hüseynov Fazilin rəhbərliyi ilə Cəbrayıl. Fizuli, Zəngilan, Qubadlı rayonlarıında gedən döyüşlərdə iştirak etmişik. Həm bu yerlərə yaxşı bələdik, həm də müəyyən döyüş taktikasına malikik.
Cənab Nazir, xahiş edirik bizim yenidən işğal olunmuş torpaqlarımızın azadlığı uğrunda gedən müqəddəs savaşda iştirak etməmizə razılıq verəsiniz. Biz bu gərgin döyüşlərdə kənarda qalmaq istəmirik.
Hörmətlə: Keçmiş döyüşçülər
Baş leytenant Hüseynov Fazil
Çavuş Sadıqov İbadət
Çavuş Məmmədov İlham
Çavuş Quliyev Elçin
Çavuş İmamverdiyev İsgəndər
Çavuş Əhmədov Tofik
Çavuş Əhmədov Salavat
Çavuş Qaytaranov Adil
Çavuş Hüseynov İdris".
Xeber.İNfo