Bu gün Milli Mədəniyyətin Təbliği ictimai birliyinin rəhbəri Jalə Cəfərovanın təşəbbüsü və təşkilatçılığı ilə şəhid, leytenant Elxan Ataxan oğlu Ağayevin II Fəxri Xiyabanda doğum günü qeyd olunub. Bu barədə Xeberinfo.de-ə J.Cəfərova məlumat verib.
Tədbir şəhidimizə sayğı duruşu və Dövlət Himnimizlə başlayıb.
Qeyd edək ki, Elxan Ağayev Bakıda ziyalı ailəsində dünyaya gəlib. 1992-ci ildə hərbi xidmətə gedib. 1997-ci il aprel ayının 7-də döyüş yoldaşlarıyla kəşfiyyatdan qayıdarkən mühasirəyə düşmüş və qəhrəmançasına döyüşmüş və şəhid olmuşdur. Ölümündən sonra “Azərbaycan Bayrağı” ordeni ilə təltif olunub.