Berlində Azərbaycan səfirliyi qarşısında bloger Elvin İsayevlə bağlı aksiya keçiriləcək. Bu barədə aksiyanın təşkilatçısı bloger Orxan Ağayev facebook səhifəsində məlumat yayıb. Məlumata görə, "Elvin İsayevə azadlıq" şuarıyla keçirilən aksiya 09.01.2020-ci il tarixdə saat 10:00-dan 12:00-a qədər nəzərdə tutulur. 

Qeyd edək ki, Elvin İsayev 12 dekabr 2019-cu il tarixdə Ukraynadan oğurlanaraq, Azərbaycana gətirilib, hakimiyyəti tənqid etdiyi üçün həbs edilib. Ona qarşı irəli sürülmüş ittihamlarla razı deyil, həbsinin siyasi sifariş olduğunu iddia edir.